Bügıngı taŋda köpşılık «Nätijelı jūmyspen qamtudy jäne jappai käsıpkerlıktı damytudyŋ 2017 – 2021 jyldarǧa arnalǧan baǧdarlamasy» boiynşa Jūmyspen qamtu ortalyqtarynyŋ halyqqa qyzmet etıp jatqanyn bılmeidı. «Adyrna» ūlttyq portaly būl ortalyq turaly tolyq mälımettı nazarlaryŋyzǧa ūsynady.
Jūmyspen qamtu ortalyǧynyŋ maqsaty qandai?
Halyqty jūmyspen qamtu ortalyqtary halyqqa jäne jūmys beruşılerge tegın qyzmet körsetedı. Ortalyqtyŋ negızgı maqsaty - elımızdegı jūmyssyzdyq mäselesın joiuǧa atsalysyp, jūmyspen qamtuǧa järdemdesudıŋ belsendı şaralaryn jüzege asyru. Elımızde 200 halyqty jūmyspen qamtu ortalyǧy bar.
Jūmyspen qamtu ortalyǧy kımderge jūmys ūsynady? Eŋbekaqy mölşerı qanşa?
Ortalyq 16 jastan bastap zeinetaqy jasyna deiıngı jūmyssyz azamattarǧa kömek körsetedı. Eŋbekaqy mölşerı - 85 000 teŋge.
Jūmyspen qamtu ortalyǧyna qalai tırkeledı?
Jūmys jasauǧa nietı bar jandar jūmyspen qamtu ortalyǧyna baruy tiıs. Olar tömendegı qūjattardyŋ negızınde jūmys ızdep jürgen adam retınde tırkele alady:
1) jeke basyn kuälandyratyn qūjat;
2) eŋbek qyzmetın rastaityn qūjat (bar bolǧan kezde);
3) bılımı, bılıktılıgı, arnaiy bılımınıŋ nemese käsıptık daiarlyǧynyŋ boluy turaly qūjat (bar bolǧan kezde);
Tırkelgennen keiın ortalyq 10 jūmys künı ışınde azamatqa jūmystyŋ tabyluyn kütedı.
Jūmyssyz retınde onlain türde tırkeluge bola ma?
İä. Izdenuşı elektrondyq sifrlyq qoltaŋbasy (ESQ) bolǧan kezde "elektrondyq ükımet" (egov.kz) veb-portaly arqyly elektrondyq nysanda jūmys ızdep jürgen adam retınde tırkele alady. Onyŋ derekterı avtomatty türde tırkelgen jerı boiynşa jūmyspen qamtu ortalyǧyna jıberıledı.
Belgılı bır mamandyǧy (käsıbı) joq adamdarǧa qandai jūmystar ūsynylady?
Jūmyspen qamtu ortalyǧy mamandyǧy (käsıbı) joq tūlǧalarǧa uaqytşa sipattaǧy qoǧamdyq jūmys oryndaryna, äleumettık jūmys oryndaryna jūmysqa ornalasudy jäne qysqa merzımdı käsıptık oqytudan ötudı ūsynady.
10 jūmys künı ışınde azamatqa laiyqty jūmys tabylmasa, ızdenuşı ne ısteuı kerek?
Eger 10 jūmys künı ötkennen keiın, azamatqa sol uaqyttyŋ ışınde jūmysqa ornalasuy üşın laiyqty bos jūmys oryndary tabylmaǧan jaǧdaida,jūmys ızdeuşı käsıptık baǧdarlau bölımıne baryp, oqu üşın mamandyqty taŋdauǧa testıleuden ötuı qajet.
Qysqa merzımdı käsıptık oqytu degenımız ne?
Käsıptık oqytu eŋbek naryǧynda sūranysqa ie mamandyqtar men daǧdylar boiynşa käsıptık daiarlau, qaita daiarlau jäne bılıktılıktı arttyrudy qamtidy. Qysqa merzımdı käsıptık oqytudan ötetın azamattar oqu, stipendiia, jol jüru aqysyn töleu boiynşa memlekettık qoldaumen qamtamasyz etıledı. Oqytudyŋ ūzaqtyǧy mamandyqtyŋ erekşelıkterıne bailanysty bır aidan alty aiǧa deiın qūraidy.
Jūmys ızdep jürgen adam özıne laiyqty jūmystyŋ tabylǧanyn qalai bıledı?
Izdenuşı özıne laiyqty jūmystyŋ bar ekenı turaly aqparatty jūmyspen qamtu ortalyǧynyŋ qyzmetkerınen bıledı. Ol laiyqty jūmystyŋ bar ekenı turaly ūsynysty alǧannan keiın üş jūmys künı ışınde jūmyspen qamtu ortalyǧyna baruy kerek nemese bailanys qūraldary arqyly ūsynylǧan laiyqty jūmysqa kelısetını ia odan bas tartatyny turaly habarlauy tiıs.
Diana ASANOVA,
«Adyrna» ūlttyq portaly
