2018 jyly şılde aiynyŋ 25-ınen 26-syna qaraǧan tünı saǧat 01:00 şamasynda Qarabūtaq selosy, Amangeldı köşesı, №28 üi maŋynda Nauryzbek Erkebūlan Otarov jäne NūrgeldıQalievpen bırge tūrǧan. Jandarynan avtokölıkpen ötıp bara jatqan auyl jıgıtterı būlarǧk kelıp amandasady. Olardyŋ qatarynda Erkın Anarbaev, Jasqairat Kalimov, Asylbekov Elaman bolǧan. Jasy kışı Erkın Nauryzbekke amandasudan bas tartady. “Sen nege menımen amandaspaisyŋ” degen sūraǧyna Erkın “Men senımen amandaspaimyn jäne senı “brat” dep eseptemeimın” dep qyrsyǧa jauap bergen. Osydan baryp ekı jıgıttıŋ arasynda kelıspeuşılık tuyndaǧan. Kuägerlerdıŋ aituy boiynşa, Nauryzbek Erkındı ūryp, jerge qūlatyp, basyna jäne bet tūstaryna jūdyryǧymen bırneşe soqqy jasaǧan. Sodan keiın jaǧdai şielenısıp, ekeuı Aqtöbe-Qostanai tas joly boiynda ornalasqan eskı avtobaza ǧimaratynyŋ qasynda jekpe-jekke şyǧatyn bolyp kelısedı. Oqiǧa ornynda būl ekeuınen basqa Nauryzbektıŋ de, Erkınnıŋ de joldastary bolǧan. Töbeles kezınde Nauryzbek ärtürlı jaraqattar alǧan. Nätijesınde Nauryzbek oqiǧa bolǧan künnıŋ ertesıne 26 şılde künı saǧat 10:00 şamasynda öz üiınde jan täsılım ettı. Būl jaǧdai boiynşa Anarbaev Erkın qylmystyq jauapkerşılıkke tartylyp, 8 jylǧa bas bostandyǧynan aiyryldy.
Nauryzbektıŋ ata-anasy sot şeşımımen kelıspeidı. Medisinalyq saraptamalar Nauryzbektıŋ dene jaraqattary auyr zattardan kelgenın körsettı. Al kuägerlerdıŋ bergen mälımdemesı saraptamalardyŋ nätijesınen mülde basqaşa, iaǧni Erkın tergeu kezınde tek jūdyryq jūmsaǧanyn aitqan. Rabiǧanyŋ aituynşa, boiy 1.90, salmaǧy 90 kelı denelı jıgıt Nauryzbektıŋ jalǧyz Erkınnen soqqy jeuı mümkın emes. Oǧan toptyq şabuyl jasalǧan dep otyr.
Tergeu tarapynan jıberılgen qatelıkter būl ǧanaemes. Nauryzbektıŋ dostarynyŋ aituynşa, olar oqiǧa bolǧanǧa deiın dükennen Nauryzbekke ekı märte syra alǧyzyp ışken. Bıraq medisinalyq saraptamada Nauryzbektıŋ spirttık ışımdık ışpegendıgı anyqtaldy jäne qan qūramynan spirt tabylmaǧan. Al būl närsenı tergeu barysynda eskermedı. Anasynyŋ aituy boiynşa, Nauryzbek ışımdıkke äues jıgıt emes-tın.
Dostary Nauryzbektı oqiǧa bolǧan tünı üiıne süirep äkelıp tūryp anasyna balasynyŋ araq ışıp, mas bolǧanyn ärı sol jerde töbeles orynalǧanyn aitqan. Rabiǧanyŋ küiınetını jäbırlenuşınıŋ jaǧdaiy auyr bola tūra, joldastary äreketsızdık tanytyp, jıgıttıŋ halı turaly jasyryp qalǧan. Ana baiǧūs solardyŋ sözıne senıp, aurudyŋ belgılerı baiqalmaǧandyqtan, bıraz tynyǧyp alsyn dep, taŋerteŋge deiın balasyn mazalamaǧan. Al älgı jıgıtter Nauryzbektıŋ jüruge mümkındıgı joq ekenın köre tūra, qasaqana oǧan medisinalyq kömek körsetpegen. Mūndai sūraqtar tergeu kezınde de öz şeşımın tappady. Rabiǧa osy qarama-qaişylyqtar negızınde joldastarynyŋda ıske tıkelei qatysty boluy mümkın dep küdıktenedı. №52 sot medisinalyq saraptamasynyŋ qorytyndysy boiynşa jäbırlenuşı auyr dene jaraqattarynan keiın der kezınde medisinalyq kömek alǧan bolsa, onyŋ tırı qaluy äbden mümkın edı.
Būdan baiqaitynymyz, ıske qadaǧalau jasauşy Äiteke bi audandyq soty da mūndai öreskel qatelıkterge asa nazar audarmai, män-jailardy jıtı teksermegen. Tergeu Äiteke bi audandyq ışkı ıster bölımı basşysy, maior Erbol Süleimenovtıŋ jetekşılıgımen jürgızılgen. Joǧaryda atalǧan derekter eskerılmesten, ıs sotqa ötıp kettı. Sol sebeptı qylmysker retınde Erkın Anarbaev qana jauapqa tartylǧan.
Köptıleuova Rabiǧa memleket basşysyna jäne joǧarǧy Sot töraǧasyna öz janaiqaiyn jetkızıp, aryz jazdy. Endıgı bar ümıtı Prezidentke joldaǧan hatynda (18.06.2020 künı joldaǧan):
“Qūrmettı Prezident! Osy körsetılgen tergeu tarapynan jıberılgen zaŋsyzdyqtar boiynşa tiıstı qūzyrly organdarǧa tapsyrma berıp, ony özıŋızdıŋ baqylauyŋyzǧa alyp, ıs boiynşa ädıldıktı anyqtauǧa kömek körsetuıŋızdı sūraimyn.”
Aryz beruşı Köptıleuova Rabiǧa būǧan deiın 2019 jyldyŋ qazan aiynda jäne 2020 jyldyŋ aqpan aiynda QR Aqparat jäne qoǧamdyq damu ministrı Aida Balaevanyŋ qabyldauynda 2 ret bolǧan. Prezident äkımşılıgıne de habarlasyp, qazırgı taŋda jauap kütude. Atalǧan organdar eldegı karantin jaǧdaiyna bailanysty ıstı qaraudy keiınge qaldyryp jatqanyn aitty.
Bainiiazov Nauryzbek oquyn üzdık aiaqtap, ekonomist menedjer mamandyǧyn alyp şyqqan. Jaqsy qyzmette bolǧan. Öz ortasyna syily jıgıt. Ata-anasymen sūhbattasa otyryp, olardyŋ qazırgı auyr halıne qanyq boldyq. Qaza bolǧan jyldyŋ küz aiynda Nauryzbektıŋ üilenu toiyna daiyndalyp otyrǧan eken. Bıraq sol oqiǧadan keiın ekı jyldan berı ışkenı ırıŋ, jegenı jelım bolǧan äke-şeşe joǧarydan qaşan habar keledı dep eleŋdep otyr. “Özderıŋızden küter ümıtımız mol” dep Nauryzbektıŋ äkesı öz sözın aiaqtady. Jürektı eljıreter äke sözı bızdı de bei-jai qaldyrmady. Qaiǧy jūtqan ata-anaǧa köŋıl aita otyryp, aryzdy Aqtöbe oblysynyŋ ädılet departamentı, Aqtöbe oblysynyŋ prokuraturasy, Aqtöbe oblysynyŋ äkımınıŋ nazaryna ūsynamyz.
Aiaulym ÄBILDA, «Adyrna» ūlttyq portaly
