Elımız boiynşa mausym aiynda ŪBT tapsyrǧan jäne şektı ball jinaǧan talapkerlerden memlekettık bılım grantyn taǧaiyndau konkursyna qatysu üşın ötınışter qabyldanyp jatyr dep habarlaidy «Adyrna» ūlttyq portaly Qazaqstan Respublikasynyŋ Bılım jäne ǧylym ministrlıgıne sılteme jasap.
Biyl memlekettık bılım grantyna ümıtkerlerdıŋ sany 80 myŋnan asady, onyŋ ışınde 61 039 talapker qūjattaryn eGov.kz elektrondyq ükımet portaly arqyly tapsyrǧan. Grantqa qūjattardy joo-nyŋ virtualdy qabyldau komissiiasy arqyly da tapsyruǧa bolady. Mamandar beine bailanys arqyly talapkerlerge keŋes berıp, qajettı bılım beru baǧdarlamasyn taŋdauǧa kömektesedı. Joo-nyŋ virtualdy qabyldau komissiiasy arqyly 9 472 talapker qūjat tapsyrǧan. Qūjattardy osyndai täsılmen tapsyru elektrondyq sifrlyq qoltaŋbasy (ESQ) joq azamattar üşın yŋǧaily. Qūjattardy 30 şıldege deiın tapsyruǧa bolady.
53 myŋ qazaqstandyq talapker joǧary bılımdı tegın – memleket esebınen ala alady. Memleket eŋbek naryǧynda neǧūrlym sūranysqa ie kadrlardy daiarlauǧa aqşa böledı, onyŋ ışınde aqparattyq tehnologiialar salasyndaǧy mamandarǧa, pedagogter men qūrylysşylarǧa degen ülken sūranys baiqalady. Osy ürdıstı eskere otyryp, atalǧan baǧyttar boiynşa memlekettık tapsyrys kölemı de artuda. Granttar universitetterge bölınbeidı, iaǧni ümıtkerlerdıŋ soŋynan jüredı - bärı olardyŋ taŋdauyna bailanysty ekendıgın aita ketken jön.
Mysaly, 2020-2021 jyldary «Aqparattyq tehnologiialar» mamandyǧyna köp grant bölıngen, atap aitsaq 2 468 grant. Bolaşaq IT-mamandardy elımızdıŋ 49 joǧary oqu ornynda oqytady.
«Qoǧamdyq densaulyq saqtau» mamandyǧy boiynşa 2 147 grant bölıngen. Būl sala boiynşa mamandardy 11 medisinalyq universitet daiyndaidy. Jalpy, medisinalyq qyzmetkerlerdı oqytuǧa biudjetten biyl 2 700 orynǧa qarjy bölındı.
8 myŋnan astam biudjettık oryn pedagogika salasyndaǧy mamandyqtarǧa tiesılı. Olardyŋ ışınde eŋ köbı – «Mektepke deiıngı oqytu jäne tärbieleu» (789 grant), «Şet tılı mūǧalımderın daiarlau» (760 grant), «Himiia mūǧalımderın daiarlau» (740 grant), «Fizika mūǧalımderın daiarlau» (730 grant), «Biologiia mūǧalımderın daiarlau» (730 grant), «Bastauyş oqytudyŋ pedagogikasy men ädıstemesı» (660 grant), «Matematika mūǧalımderın daiarlau» (500 grant), «Gumanitarlyq pänder boiynşa mūǧalımderdı daiarlau» (350 grant), «Dene şynyqtyru mūǧalımderın daiarlau» (200 grant), Sondai-aq alǧaşqy äskeri daiyndyq mūǧalımı (20), muzyka mūǧalımı (30), körkem eŋbek jäne syzu mūǧalımderın daiarlau (30) baǧyttary boiynşa da grant ūtyp aluǧa bolady.
«Elektrotehnika jäne energetika» (1 800), «Tau-ken ısı jäne paidaly qazbalardy öndıru» (1 702), «Mehanika jäne metall öŋdeu» (1 500) mamandyqtary boiynşa köp grant bölıngen.
Gumanitarlyq baǧyttaǧy 12 mamandyq boiynşa 1 285 biudjettık oryn bölıngen, atap aitqanda, filosofiia jäne etika, dın jäne teologiia, tarih jäne arheologiia, audarma ısı, filologiia, äleumettanu, saiasattanu, jurnalistika men reporterlık ıs jäne t.b.
Sonymen qatar, memleket tarapynan «Biologiia jäne aralas ǧylymdar» (650 grant), «Fizika» (852 grant), «Himiia» (670 grant), «Matematika jäne statistika» (600 grant), «Aqparattyq qauıpsızdık» (600 grant), «Kommunikasiia jäne kommunikasiialyq tehnologiialar» (500 grant), «Elektrotehnika jäne avtomattandyru» (720 grant), «Jer turaly ǧylym» (450 grant) jäne taǧy basqa baǧyttar qarjylandyrylady.
Talapkerler auyl şaruaşylyǧy salasyndaǧy – «Veterinariia» (825 biudjettık oryn), «Ösımdık şaruaşylyǧy» (470), «Agroinjeneriia» (360)mamandyqtary boiynşa da konkursqa qatysa alady.
Esterıŋızge sala keteiık, joo-nyŋ akademiialyq erkındıgı şeŋberınde 2019 jyldan bastap bılım beru baǧdarlamalarynyŋ Tızılımı jürgızılude, būl auqymdy tehnikalyq jäne mazmūndy saraptama jürgızu arqyly baǧdarlamalardyŋ sapasyn baǧalauǧa mümkındık berdı. Bügıngı taŋda Tızılımge 9 130 bılım beru baǧdarlamasy engızılgen, onyŋ ışınde 541 jaŋa jäne 83 innovasiialyq baǧdarlama.
Mäselen, 1 qyrküiekten bastap elımızdıŋ joǧary oqu oryndary «Derekterdı qoldanbaly taldau», «Tehnologiialardy jäne innovasiialardy basqaru», «Bioinjeneriia», «Sifrlyq audarma», «Sport jurnalistikasy», «IT-käsıpkerlık jäne sifrlyq ekonomika», «Sandyq pedagogika», «Jasandy intellektısı bar joǧary jüktelgen aqparattyq jüieler», «Aqparatty öŋdeu jäne derekterdı vizualizasiialau», «Sifrlyq analitikalyq bılım beru jüielerın jobalau», «Tabiǧi-tehnogendık qauıp-qaterler», «Auyl şaruaşylyq ekologiiasy», «Medisinalyq qūqyq», «Qoldanbaly epidemiologiia» jäne t.b. mamandyqtar boiynşa kadrlardy daiarlaidy
Adyrna ūlttyq portaly
