Qazaqstan öŋırlerınde oblystyq jäne audandyq maŋyzy bar avtomobil joldaryn jaŋǧyrtu jūmystary jalǧasuda dep habarlaidy «Adyrna» ūlttyq portaly Qazaqstan Respublikasynyŋ İndustriia jäne infraqūrylymdyq damu ministrlıgıne sılteme jasap.
Aqtöbe oblysynda osy jyldyŋ soŋyna deiın jolşylar joldardyŋ 606 şaqyrymyn jaŋartpaq.
Naqtyraq aitqanda, biyl mūnda avtomobil joldary salasynda 41 joba jüzege asyryluda. Olardyŋ ekeuı - joldardy salu, üşeuı - joldardy qaita jaŋartu, törteuı - joldardy kürdelı jöndeu, 33-ı - joldardy ortaşa jöndeu jobalary.
Aita ketu kerek, Aqtöbe oblysynda jaqsy jäne qanaǧattandyrarlyq jaǧdaidaǧy jergılıktı joldardyŋ ülesı 56,5 % qūraidy. Jyl soŋynda atalmyş körsetkış 59% deiın ūlǧaitylyp, jaqsy jäne qanaǧattandyrarlyq jaǧdaidaǧy jergılıktı avtomobil joldarynyŋ ūzyndyǧy 2,9 myŋ şaqyrymdy qūraityn bolady.
Eske salaiyq, öŋırdegı jergılıktı joldardyŋ jalpy ūzyndyǧy 4,9 myŋ şaqyrymdy qūraidy. Olardyŋ 1,2 şaqyrymy - oblystyq, 3,7 şaqyrymy - audandyq joldar.
Būdan bölek, aimaqta respublikalyq maŋyzy bar joldardy salu, qaita jaŋartu, jöndeu jobalary jüzege asyryluda.
Tiıstı jūmystarmen joldardyŋ 296 şaqyrymy qamtylatyn bolady.
“Adyrna” ūlttyq portaly
