Qazaqstan halqyn qajet därı-därmekpen qamtu üşın qandai şaralar atqaryldy

QR Densaulyq saqtau ministrlıgı KVİ jäne pnevmoniiamen küres boiynşa atqarylyp jatqan şaralar jönınde mälımet taratty, dep habarlaidy Adyrna QazAqparatqa sılteme jasap. Bügıngı künı medisinalyq maskanyŋ şektı bölşek sauda baǧasy 28%-ǧa, iaǧni 118-den 85 teŋgege deiın tömendegen. Qazır rezervte 41 mln maska, 27 mln qolǧap, 379 myŋ qorǧanyş kostiumı bar. Testıleu quaty: qazır – täulıgıne 32 myŋ, 1 tamyzǧa qarai - täulıgıne 35,6 myŋǧa deiın, 1 qyrküiekke qarai - täulıgıne 64 myŋǧa deiın ūlǧaitu josparlanǧan. Tamyz aiynyŋ soŋyna deiın testıŋ PTR rezervın qalyptastyru - 1,2 mln, 59 memlekettık jäne jeke zerthana ıske qosyldy. Därılık zattardy sapaly josparlau jäne satyp alu şaralary: Bırınşıden, sertifikattau räsımderın jeŋıldetu: - ( 1 aidan 3 künge deiın) - bır jolǧy äkelu bır täulık ışınde berıledı - COVID-19 emdeu üşın jaŋa preparattardy tırkeu prosedurasy (6 aidan 2 aiǧa deiın) jedeldeidı. Ekınşıden, bölşek satu boiynşa därıhanalardy arnaiy borttar esebınen tolyqtyru üşın Resei men Ündıstanǧa 4 mln oramǧa 6 arnaiy aviareis ūiymdastyrylǧan. Üşınşıden, öŋırlerde arnaiy tūraqtandyru qoryn qūru: - Almaty - 5 mlrd tg - Nūr-Sūltan - 1,2 mlrd tg - Şymkent - 180 mln tg - Aqtöbe oblysy - 500 mln tg - ŞQO - 250 mln tg jäne basqalar. Törtınşıden, COVID-19 emdeu boiynşa BMSK deŋgeiınde qosymşa därı-därmekpen, oǧan qosa 1 mln-ǧa juyq adamdy qamtityn 8,6 mlrd teŋgege därı-därmektıŋ 5 türımen qamtamasyz etu közdelgen. Besınşıden, stasionarlarda emdeuge arnalǧan därı-därmektıŋ ailyq qory qalyptasty. Sonymen qatar, taǧy 3 aiǧa rezerv qūru maqsatynda otandyq öndıruşılerden de, importtauşylardan da medisinalyq preparattardy satyp alu räsımı qatar jürgızıledı.