Elımızdegı auyl aimaqtardaǧy ahualdy jaqsartu maqsatynda, sonyŋ ışınde auyldaǧy äleumettık mäselelerdı şeşu üşın «Öŋırlerdı damytu – 2020» bıryŋǧai baǧdarlamasy qabyldanǧan edı. Osydan alty jyl būryn qabyldanǧan baǧdarlama aiasynda köptegen jūmystar atqarylǧanyna el kuä.
Baǧdarlamaǧa «Öŋırlerdı damytu», «Monoqalalardy damytu», «Aq būlaq», «Tūrǧyn üi kommunaldyq şaruaşylyǧyn jaŋǧyrtu», «Qoljetımdı tūrǧyn üi – 2020» baǧdarlamalarynyŋ erejelerı, sondai-aq, şaǧyn qalalardy damytu baǧdarlamasynyŋ jobasy bırıktırılgen. Bügın de osy baǧyttar boiynşa jūmystar jalǧasyn tabuda.
Mysaly, «Öŋırlerdı damytu – 2020» baǧdarlamasy boiynşa auyl tūrǧyndaryn auyz sumen qamtamasyz etu sättı jüzege asyrylyp jatyr. Jospar boiynşa 2025 jylǧa deiın qalalar 100 paiyz, eldı mekender 80 paiyzǧa auyz sumen qamtylady dep kütılude. Būǧan deiın Elbasy auyldardy auyz sumen qamtu qarjysyn jyl saiyn 100 mlrd teŋgege arttyrudy tapsyrǧany esımızde. Būl tapsyrma öz deŋgeiınde jüzege asyrylyp keledı. Biyl auyl tūrǧyndarynyŋ 87 paiyzyn auyz sumen qamtamasyz etu josparlanuda. Memleket būl jobaǧa biudjetten 111,5 mlrd. teŋge böldı.
Halyqty sapaly auyz sumen jäne su būru qyzmetterımen qamtamasyz etu jönındegı jūmystardy jalǧastyru maqsatynda 2020-2025 jyldarǧa arnalǧan «Nūrly jer» memlekettık baǧdarlamasy şeŋberınde biyl respublikalyq biudjetten 111,5 mlrd. teŋge qarastyrylyp otyr.
Būl qarajat boiynşa 316 joba ıske asyrylady. Nätijesınde qalalarda halyqty auyz sumen qamtamasyz etu körsetkışı 97,5 paiyzǧa artyp, körsetkış jüz paiyzdyq mejege deiın jetkızıledı dep kütılude. Būl degenıŋız jüzdegen million tūrǧyndy taza auyz sumen qamtamasyz etudıŋ körsetkışı sanalady.
Al auyldyq aimaqtarda būl körsetkış 87,7 paiyzǧa jetıp, 6,84 mln. adamdy qamtidy. Sondai-aq, qalalarda aǧyndy sulardy tazartumen qamtu 74,9 paiyzdy qūraidy.
Ötken jyly būl baǧytta 404 joba jüzege asyrylyp, 4078 auyl sumen qamtyldy. Qazırgı uaqytta el boiynşa auyz suǧa qoljetımdılık körsetkışı - 92,6 paiyzdyq üleste.
«Suresurstary marketing» JŞSnıŋ resmi aqparatynda sumen jabdyqtau mäselesı boiynşa maŋyzdy aqparat jariialandy.
«GAJ sumen jabdyqtau qyzmetınde Soŋǧy ekı jyl ışınde «Su resurstary-Marketing» JŞS-ı geografiialyq aqparattyq jüiemen (GAJ) tyǧyz jūmys jasaidy. Mūnymen «KelesTech» JŞS-ı ainalysady, onyŋ qūramyna ekı injener-gidravlik jäne ekı maman kıredı, prosestı Nūrsūltan Rahmanbekov basqarady.
«Ekı jyl ışınde bız auqymdy jūmys jasadyq. Oǧan qazırgı GAJ mälımetter bazasyn jaŋartu ǧana emes, sonymen qatar jaŋa gidravlikalyq modeldı qūru da kıredı. Är qadam qalany sumen jabdyqtau sapasyn jaqsartuǧa jaŋa mümkındıkter aşady. Mäselen, qūrastyrylǧan jäne kalibrlengen gidravlikalyq modeldıŋ kömegımen artyq qysym nemese, kerısınşe, tömen qysymy bar problemalyq uchaskelerdı, sondai-aq magistraldyq qūbyrlardyŋ ülken jük köteretın uchaskelerın köruge mümkındık tudy», - dedı N.Rahmanbekov. İnjener-gidravlikter sumen jabdyqtau sapasyn jaqsartu men damytudyŋ türlı joldaryn ūsyndy, olardy «Su resurstary-Marketing» JŞS-ŋ basşylyǧy bırden paidalandy.
Käsıporynnyŋ täjıribesıne köptegen ūsynystar engızıldı. Nätijesınde ortalyq dispetcherlık qyzmetke sudy dūrys jetkızbeu jäne apatqa bailanysty kündelıktı ötınışter sany aitarlyqtai azaidy. Gidravlikalyq modeldı jetıldıru jūmystary jalǧasuda, ortalyq dispetcherlık qyzmetke berılgen ärbır ötınımdı mındettı türde injener-gidravlik öŋdeidı. Sonymen qatar, tuyndaǧan problemalardy joiu jäne qyzmet körsetu sapasyn jaqsartu üşın türlı joldar ūsynylady».
Demek, aldaǧy uaqytta gidravlikalyq modelder qūrylyp, nätijesınde sumen jabdyqtaudyŋ, tūtynatyn sudyŋ sapasyn jaqsartuǧa keŋ jol aşylady. Būl jaŋalyq öz tarapynan qala halqyn zor quanyşqa böleude. Kündelıktı tūrmysta qoldanylatyn auyz sudyŋ sapasy ärbırımız üşın asamaŋyzdy ekenın eskersek, «Su resurstary marketing» JŞSnıŋ qolǧa alǧan jaŋa bastamasy qūptarlyq deuge bolady.
«Adyrna» ūlttyq portaly.
