Qazırgı künı qalamyzda koronavirus infeksiiasyn jūqtyrǧandar sany 10320 adamdy qūrap otyr. Olardyŋ ışınen jalpy 7260 adam nemese 70 paiyzy jazylyp şyqty. Al soŋǧy bır aptada jazylyp şyqqandardyŋ sany 1563 adam, iaǧni nauqastardyŋ 25 paiyzy ötken apta ışınde jazylyp şyqqan.
225 adam qaitys bola, 1511 adam stasionarlarda em aluda. Auyr haldegı nauqastar sany 54 paiyzǧa azaidy.
Prezident tapsyrmasyna säikes ükımettıŋ qoldauymen bırqatar şaralar qabyldandy. Nätijesınde karantin engızılgennen bastap KVİboiynşa jaǧdaidyŋ tūraqtanǧany baiqalady. Densaulyq saqtau ūiymdaryna tüsken salmaq ta edäuır azaidy. Jedel järdemge jügıngender täulıgıne 4300 - den 1600- ge deiın iaǧni 3 esege deiın tömendedı. Tek KVİ boiynşa jedel järdemge jügınu 500-den 89-ǧa deiın nemese 6 esege azaidy. Jalpy şaqyrular sany täulıgıne 3000 - nan 1000 - ǧa deiın nemese 3 esege tömendedı.
Pnevmoniiamen jatqan azamattar sany 2 esege nemese 1348 - den 633- ge deiın azaidy. Stansionarlardyŋ jüktemesı 99 paiyzdan 38paiyzǧa tömendedı. Reanimasiiadaǧy pasientter sany 57 paiyzǧa azaidy.
Eger būryn auruhanaǧa bır täulıkte 500-ge juyq pasient tüsetın bolsa, qazır olardyŋ sany 90 adamdy qūraidy.
Medisinalyq qūral jabdyqtar boiynşa: auruhanalarǧa qosymşa 500 arnaiy jabdyqtalǧan tösek-oryndar, 350 ottegı konsentraty, 150 fluometr jäne 2 kompiuterlık tomograf apparaty alyndy. Qosymşa taǧy medisinalyq jabdyqtar alu közdelude. Kompiuterlık tomografiia arqyly tūrǧyndardy täulık boiy tekseru jürgızılude. Nätijesınde stansionarlarǧa tüsken salmaq edäuır azaidy.
Medisinalyq kadrlar boiynşa qaladaǧymedisinalyq kolledjderden 275 jas maman emhanalarǧa jūmysqa ornalasty, medisinalyq universitetten 300 student jūmyldyryldy.Jalpy alǧanda medisinalyq oqu oryndarynan 500 den astam jas mamandar tartyldy.
Därıhanalyq jelılerdıŋ distribiuterlerıne logistika, därılerdı satyp alu jäne qalaǧa jetkızu räsımderın jeŋıldetu mäselelerı boiynşa qoldau körsetılude. Sonymen qatar distribiuterlergedärı - därmek satyp alu üşın ainalym qarajaty bölındı.
12 şıldeden bastap Nūr-Sūltanǧa Resei, Türkiia, Ündıstan, Belorus elderınen s ūranysqa ie 110 tonna nemese 4,5 million qaptama farmakologiialyq preparattar jetkızıldı.
Būl därı - därmekter därıhanalardyŋ ırı jelılerıne teŋdei bölındı, qazırgı künı şamamen 1 aiǧa jetetın qor qalyptasty.
Josparly medisinalyq kömekke keletın bolsaq, bır apta būryn 3 auruhana atap aitqanda, 1 jäne 2 köpsalaly qalalyq balalar auruhanasy, 2 körsalaly auruhana josparly medisinalyq kömek körsetudı bastap kettı.
Taǧy bır stansionarda KVİ tırkelgen soŋǧy pasient jazylyp şyqty. Jaqyn künderı būl stansionar öz pasientterıne josparly türde qabyldaudy bastaidy.
3 tamyzdan bastap barlyq qalalyq emhanalar josparly medisinalyq kömek körsetudı qolǧa alady. Tamyzdyŋ 15-ne deiın bırtındep bosap jatqan stansoinarlardyŋ esebınen auruhanalardyŋ öz jūmystaryna qaita oralularyn josparlap otyrmyz. Bıraq infeksiialyq jäne provizorlyq stansionarlar qajet jaǧdaida jetkılıktı oryndarymen qaita aşyluǧa daiyn bolady. Jäne rezervte qosymşa obektıler daiyndalǧan.
Karantinnen keiıngı ındetpen küresu ıs şaralaryna kelsek, bırınşıden, tūrǧyndar arasynda qataŋ karantindık şaralardy saqtau kerektıgı turaly tüsındıru jūmystary jürgızıle beredı.
Ekınşıden, qoǧamdyq kölıkte jäne halyq köp jinalatyn oryndarda maskasyz adamdardyŋ kıruıne rūqsat berılmeidı.
Üşınşıden, adam köp jinalatyn oryndar,ūiymdar men mektepterde, mekemelerde, araqaşyqtyqty saqtau belgılerı men sanitaizerlerdı qoiu mındetı talap etıledı.
Osy qarapaiym şaralardy saqtasaq ındettı jūqtyru alu qaupı azaiatynyna senımdımız.
“Adyrna” ūlttyq portaly
