Qoǧam qairatkerı, atyraulyq jurnalist Arman Hairullin 2021 jyldy «Ekologiia jyly» dep jariialaudy ūsyndy, dep habarlaidy “Adyrna” QazAqparatqk sılteme jasap.
«Atyrauda bügın ekologiialyq apokalipsis boldy deuge negız bar. Toqsanynşy jyldardan bügınge deiın aua basseinıne 4 mln tonna uytty zattar şyǧarylǧan eken. Osynyŋ barlyǧy bızdıŋ densaulyǧymyzǧa ziian keltırıp otyr. Şaqalaqtardyŋ şetıneuı jäne de türlı patologiialar boiynşa alda kele jatyrmyz.
Menıŋ ūsynysym – bızdıŋ Ekologiia ministrlıgın qūryp bergen prezidentımız Qasym-Jomart Toqaev keler 2021 jyldy Ekologiia jyly dep jariialasa eken. Jiyrma jylda bırde-bır Ekologiia jyly jariialanǧan joq. Qazaqstandyqtardy osy ūsynysymdy qoldauǧa şaqyramyn, - dedı Arman Hairullin
«Ekologiialyq bılım: qazaqstandyq qoǧamda ekologiialyq bılım beru, ekologiialyq mädenietke tärbieleu jäne qalyptastyru» atty döŋgelek üstel otyrysynda . Spiker jergılıktı deŋgeide atqaruşy organdarmen bırlesıp, köptegen jobalardy jüzege asyryp jatqanyn jetkızdı.
«Bügıngı jiynǧa qatysuşylar, ministr hanym (Aqparat jäne qoǧamdyq damu ministrı Aida Balaeva – red.), sızdıŋ de tarapyŋyzdan basqa da köterıp jürgen mäselelerımızdı qoldasaŋyz, qoian-qoltyq jūmys ısteuge qatyssaŋyz degen tılegımız bar. Tıkelei interaktivtı bailanys ornataiyq. Ekologiia ministrlıgı de senbılıkterdı ūiymdastyrudan bölek, kelelı ülken mäselelermen jüielı türde ainalysuy kerek. Ūlt densaulyǧyna qauıp töndıretın taqyryptarmen ainalysu kerek, - dedı qoǧam qairatkerı.
Aita keteiık, QR Aqparat jäne qoǧamdyq damu ministrlıgı «Ekologiialyq bılım: qazaqstandyq qoǧamda ekologiialyq bılım beru, ekologiialyq mädenietke tärbieleu jäne qalyptastyru» taqyrybynda döŋgelek üstel ötkızıp jatyr.
“Adyrna” ūlttyq portaly
