Elımızde karantin kezınde üiler men aulalarǧa, köşelerge arnaiy dezinfeksiia jūmystary oqtyn-oqtyn jasalǧan bolatyn. Keiınırek säuır aiynan keiın qolyna şlangı ūstaǧandar mülde körınbei kettı. Alaida soŋǧy uaqytta dezinfeksiia jasaǧyştar qaita paida boldy. Üidıŋ kıreberısınen bastap, bükıl ainalaǧa iısı ötkır tazartqyş suyn şaşudy virustan qorǧau eken dep jürmız. Al belgılı zaŋger Jangeldı SÜLEIMENOV būl şaşylǧan närsenıŋ qūramyna küdık keltırıp, tıptı osy dezinfeksiianyŋ kesırınen auruymyz mümkın degendı alǧa tartady.
«Almaty jäne bälkım basqa qalalarda da podezd, aula, köşelerge dezinfeksiia retınde şaşylyp jatqan sūiyqtyq Gliuzamin jäne Akma hlor.
Alaida osy sūiyqtyqty tek jabyq jerlerge ǧana şaşu kerek. Öitkenı aula, köşege būl sūiyqtyqty şaşsa, ökpesınde aqauy bar adam üşın öte qauıptı. Mūndai udan adamdar tıptı ölıp te ketuı mümkın. Sondyqtan dezinfeksiia jasau üşın öte qauıptı sanalatyn būl sūiyqtyqty köşeler men aulalarda şaşuǧa qarsylyq tanytuymyz kerek. Hlor degenımız öte qauıptı uly gaz! Al mūny tazalyq üşın paidalanuǧa bolmaidy. Osyǧan deiın būl turaly jazǧanyma infeksionister «hlordyŋ ökpege qaupı joq» dep qarsy şyǧypty.
Būl jai ǧana hlor emes, Gliuzamin men Akma hlordyŋ qospasy ǧoi!» dep jazady zaŋger öz paraqşasynda. Sonymen qatar ol dezinfeksiia mäselesıne qatysty qūzyrly organdarǧa şaǧym da tüsırgen. Būl az deseŋız, Süleimenov tıptı Düniejüzılık densaulyq saqtau ūiymyna da şaǧym hat daiyndapty. Zaŋgerdıŋ jazbasyna qatysty pıkır bıldırgender öte köp. Solardyŋ bırazyn qazaqşaǧa audaryp, nazarlaryŋyzǧa ūsynudy jön sanadyq.
Mariia Levuşina
Bız Zerdelıde tūramyz. Keşe tüngı saǧat ekıler şamasynda bır kölık kelıp, äldenenı şöpterge, aǧaştarǧa şaşyp kettı. Älgı iıs qolqany qabady. Terezemızdı jauyp qoidyq. Taŋerteŋ de älgı iıs öz küşın joimaǧanyn baiqadyq.
İrina Solomonova
Al bızde Nūr Sūltanda şaşylǧan närsenıŋ iısı qandalany öltıruge arnalǧan därınıŋ iısıne qatty ūqsaidy. Köp şaşqany sondai, közdı aşytady. İısı de sūmdyq, tynys alu mümkın emes. KSKǧa sūrau saldym, şaşyp jatqan sūiyqtyq ne dep. Äzırge jauap joq.
Ruslan Jidebayev
Koronavirusty joiatyn dezinfeksiialyq zat älı oilap tabylǧan joq. Demek, būl jai ǧana aqşany jelge şaşu dezinfeksiiasy degen söz ǧoi.
Alma Baimagambetovv
Esterıŋızde me, şymkenttık bır vrach äiel şyryldap, adamdardyŋ koronavirustan emes, pnevmoniiadan ölıp jatqanyn aitqanda oǧan eşkım sene qoimaǧan edı. Keiın ne boldy? Sol därıgerdıŋ aitqany däl keldı emes pe? Adamdar ökpe qabynuynan zardap şektı. Bälkım qazır de solai, zaŋger şyryldap halyqtyŋ amandyǧy üşın şaǧym tüsırude. Äzırge oǧan senıp otyrǧandar az. Kım bıledı, bıraz uaqyttan keiın būl dezinfeksiianyŋ da syry aşylar.
P.S Aula, köşe, podezderge şaşylyp jürgen dezinfeksiia sūiyqtyǧy rasymen adam densaulyǧyna qauıptı me? Būl sūraqtyŋ jauabyn tiıstı mekemeler resmi türde beredı dep senemız. Öitkenı, halyq üşın qazır ärbır sūraudyŋ jauabyn alu anaǧūrlym maŋyzdy.
Meruert HUSAİNOVA,
"Adyrna" ūlttyq portaly.
