Būl turaly «Nur Otan» partiiasy Töraǧasynyŋ bırınşı orynbasary Bauyrjan Baibek Facebook jelısındegı öz paraqşasynda jazdy.
«Qūrmettı dostar!
«Nur Otan» partiiasynda 17 tamyz ben 3 qazan aralyǧynda praimeriz ötkızu josparlanǧany belgılı. Qazaqstannyŋ partiialyq-saiasi damu tarihynda alǧaş ret ol jalpyrespublikalyq partiiaışılık masştabta ötedı. Būl partiiamyzdyŋ «qaita jaŋǧyruynyŋ» jäne aldaǧy Mäjılıs pen mäslihattarǧa sailau nauqanyna daiyndyǧynyŋ qorytyndy kezeŋderınıŋ bırı.
Praimerizdıŋ negızgı maqsaty – partiialyq tızımderdı bäsekelı jäne aiqyn negızde qalyptastyru. Nūrotandyqtar elımızdıŋ barlyq aimaǧynda qoǧamnyŋ senımı men qoldauyna ie bolǧan bedeldı partiia köşbasşylaryn özderı anyqtaidy.
Ökınışke qarai, koronavirus pandemiiasy tyiylar emes jäne ömırımızdıŋ barlyq salasyna äser etıp jatyr. Karantin jäne äleumettık oqşaulanu jaǧdaiynda bız qaşyqtan jūmys ıstep, özara äreket etuge mäjbürmız. Mūndai jaǧdai Qazaqstanda jäne älemde qaşanǧa deiın sozylaryn eşkım de boljap aita almaidy.
Būl – ışkı saiasi prosesterdı de osyǧan beiımdeudı talap etetın jaŋa qūbylys. Sebebı barlyǧymyz üşın negızgı basymdyq – azamattarymyzdyŋ densaulyǧy.
Osyǧan bailanysty bız partiia Töraǧasy, Elbasy Nūrsūltan Äbışūly Nazarbaevtyŋ tapsyrmasy boiynşa partiiaışılık sailauda onlain-formatta dauys beru mehanizmın pysyqtadyq. Saiasi Keŋes müşelerı Praimeriz ötkızu erejesıne engızılgen tiıstı tolyqtyrudy syrttai dauys beru arqyly qoldady.
Özderıŋız bıletındei, partiia qyzmetın sifrlandyru boiynşa jüielı jūmystar 2014 jyldan-aq bastalǧan bolatyn. «Nur Otan» elımızde alǧaşqy bolyp «Elektrondy partiia» auqymdy jobasyn ıske asyruǧa kırıstı. Partiianyŋ ortalyqtandyrylǧan derekter bazasy, onlain qoǧamdyq qabyldauy, veb-portaly jasalyp, messendjerler men äleumettık jelıler arqyly jaŋa kommunikasiia arnalary engızıldı.
Jaŋa sifrlyq mümkındıkterdı halyq ta qarqyndy qoldanyp jatyr. Karantin engızılgen sätten bastap partiiaǧa onlain jügınuşıler sany 5,3 ese, onyŋ ışınde Facebook pen Instagram arqyly – 17,5 ese, al Whatsapp boiynşa – 9,5 esege artty. Partiianyŋ qoǧamdyq qabyldauyna bırınşı jartyjyldyqta 224,1 myŋ adam habarlasty. Būl ötken jylmen salystyrǧanda 3,6 esege ösken. Osy mäselelerdıŋ köbı şeşıldı jäne bırqatary partiia baqylauynda.
«Elektrondy partiia» jobasy «Praimeriz» aqparattyq jüiesın äzırleuge negız boldy. Ol veb-portal men mobildı qosymşadan tūrady. Būl rette bız şeteldık ozyq täjıribelerdı zerttep, tiısınşe qoldandyq.
Mūnda bız jetı bazalyq qaǧidatty basşylyqqa alamyz. Atap aitqanda, olar qoljetımdılık, avtonomdylyq, aiqyndyq, senımdılık, legitimdılık, köp funksionaldyq jäne qauıpsızdık qaǧidattaryn qamtidy. Būlar jüienı qoldanuǧa jeŋıl etıp, aqparattyq qauıpsızdıktı, sailauşynyŋ «taŋdau qūpiiasyn», syrttan aralasu men būrmalau täuekelderınen qorǧaudy qamtamasyz etedı.
«Praimeriz» jüiesı tūrǧyndarmen kerı bailanysty barynşa küşeitıp, saualnamalardy jedel jürgızuge, türlı bastamalar men zaŋ jobalaryn talqylauǧa, şalǧaidaǧy eldı mekenderdıŋ tūrǧyndarynyŋ pıkırlerın tyŋdauǧa mümkındık beredı.
Sondyqtan «Praimeriz» jüiesın äzırleuge qyzu atsalysqan IT-mamandar toby men partiia müşesı Asqar Jūmaǧalievke erekşe alǧys aitqym keledı.
Onlain-format – partiianyŋ aşyq ärı qoljetımdı bola tüsuıne jasalǧan taǧy da bır qadam. Äsırese, jastar üşın jaqsy mümkındık. Elbasynyŋ tapsyrmasy boiynşa ärbır mäslihat pen Mäjılıske arnalǧan partiialyq tızımderde kemınde 20% 35 jasqa deiıngı jastardy qamtu josparlanyp otyr.
Adal da bäsekelık negızde praimeriz ötkızu bärımız üşın maŋyzdy. Sarapşylar qoǧamdastyǧy aǧymdaǧy qoǧamdyq-saiasi mäselelerdı şeşude būdan ülken ümıt kütıp otyr. Mūny taiauda ötken «Nur Otan» jaqtastary Ligasynyŋ diskussiiasy naqty körsettı.
Bız Liganyŋ bükıl el kölemınde partiiaşışılık taŋdaudyŋ ötkızılu barysyna qoǧamdyq baqylau jasau boiynşa bastamasyn qoldaimyz.
«Nur Otan» partiiasy elımızdı sözben emes, ıs jüzınde damytqysy keletın barşa jandy praimerizge qyzu qatysuǧa şaqyrady!» - dedı Bauyrjan Baibek.
"Adyrna" ūlttyq portaly
