Amazon, Apple, Facebook jáne Google kompanııalarynyń toqsan saıynǵy kirisi 28,6 mlrd dollarǵa jetti.
Amazon, Apple, Facebook jáne Google iri tehnologııalyq kompanııalary AQSh Kongresinde antımonopolııalyq jumystarǵa baılanysty ekinshi toqsandaǵy kirister týraly eseptershottardy jarııalaýdy keıinge qaldyrdy, dep jazady The Verge. Qujattarǵa sáıkes, alyptardyń jalpy tabysy 28,6 mıllıard dollardy qurady.
Kompanııa tarıhynda tuńǵysh ret Alphabet-tiń kirisi ǵana 2%-ǵa tómendedi. Sebebi paıdalanýshylar jarnamaǵa jumsaıtyn shyǵyndaryn azaıtqan. Áıtse de, YouTube-tiń kirisi 2019 jyly 3,6 mıllıard dollardan 3,8 mıllıard dollarǵa deıin ósti.
Jarnama berýshilerdiń boıkot jarııalaýyna qaramastan, Facebook-tiń tabysy 18,7 mıllıard dollarǵa jetti. Amazon óziniń kirisin ótken jyly 2,6 mıllıard dollardan 5,2 mıllıard dollarǵa deıin, al Apple kompanııasy 11,25 mıllıard dollarǵa deıin arttyrǵan bolatyn.
Baıqaǵanymyzdaı, qashyqtan jumys isteý adamdardy ınternetke táýeldi etýde. Al bul óz kezeginde tehnologııalyq kompanııalardyń odan ári damýyna áser etedi.
Sarapshylar 2020 jyly shilde aıynda Bezos, ýkerberg jáne Mask 115 mıllıard dollar tabady dep boljaǵan edi. Atalmysh kompanııalardyń birinshi basshylarynyń jeke kiristeri kez-kelgen basqa saladaǵy dırektorlarmen salystyrǵanda anaǵurlym tez ósýde. 2016 jyldan bastap olardyń jalpy tabysy eki ese artyp, 1,4 trln dollarǵa jetti.
Aıaýlym ÁBILDA
“Adyrna” ulttyq portaly
