Keibır elderde koronavirustyŋ örşuı qajettı qorǧanys şaralaryn saqtamaityn jastardyŋ nemqūrailylyǧynan bolady. Būl turaly Düniejüzılık densaulyq saqtau ūiymynyŋ basşysy Tedros Gebreiesus 30 şıldede ötken brifingte mälımdedı dep jazady BAIRAQ.KZ.
Gebreiesustıŋ aituynşa, egde jastaǧy adamdardyŋ virustı jūqtyru qaupı köp bolsa da, jastar auyrady. Ūiymnyŋ aldynda tūrǧan qiyndyqtyŋ bırı - jastardy osy qauıpke sendıru. "Jastar jūqtyruy mümkın, jastar da öluı mümkın jäne olar virusty basqalarǧa taratady", dedı DDSŪ basşysy.
Ol jastar da, qarttar da özderın jäne basqalardy qorǧau üşın saqtyq şaralaryn bırdei saqtauy kerek dep atap öttı. Düniejüzılık densaulyq saqtau ūiymynyŋ basşysy būl ūiym mınez-qūlyqty zertteu jäne densaulyq saqtau salasyndaǧy tehnikalyq keŋes beru tobyn qūrǧanyn habarlady.
Būl DDSŪ-nyŋ mınez-qūlyq ǧylymdaryndaǧy jūmysyn tereŋdetedı ärı densaulyqqa qatysty ūsynystardy tiımdırek etedı. Onyŋ qūramyna älemnıŋ 16 elınen 22 sarapşy kırdı.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz