Qazaqstanda nauryz aiynan berı koronavirustan 1058 adam qaitys bolǧan. Densaulyq saqtau ministrı Aleksei Soiǧa sılteme jasaǧan "Azattyq ruhy" osyndai mälımet taratty.
«Qazaqstanda qiyn kezeŋ artta qaldy dep aitsaq artyq bolmas. Qazırgı eldegı epidemiologiialyq jaǧdai tūraqtalyp keledı. Nauryz aiynan berı 92 262 adamnan koronavirus belgılerı anyqtalyp, olardyŋ 67%-y dertınen aiyǧyp şyqty. Qazır 30 myŋǧa juyq adam emdelude. Ökınışke qarai, 1058 adam qaitys boldy. Koronavirus jūqtyrǧandar sany kün sanap azaiyp keledı. Auruhanalarda därı-därmek te jetkılıktı», - deptı Aleksei Soi OKQ brifingınde.Al coronavirus2020.kz ortalyǧynyŋ resmi statistikasynda 793 adamnyŋ qaitys bolǧandyǧy jazylyp tūr. Bızge ministrdıŋ 265 adamdy qaidan alǧany tüsınıksız bolyp otyr. Aitpaqşy, qarjy jymqyrdy degen aiyppen tergeuge alynyp jatqan Oljas Äbışov öz erkımen qyzmetten ketu turaly ötınış jazyp ketıptı.
Oljas Äbışev öz erkımen qyzmetten ketu turaly ötınıştı aldyŋǧy aptada jazǧan. Sondyqtan būl mäsele qazır qarastyrylyp jatqan joq. Eger şeşım şyqsa, ol qyzmetınen bosatylady", - dedı Soi myrza.
"Adyrna" ūlttyq portaly
