Covid-19 ben pnevmonııa biriktirilgen joq

2306
Adyrna.kz Telegram

Statıstıka birikti dep jatyr ǵoı, shyndyǵynda birikken joq.

Keshe alǵash ret táýlik dereginde koronavırýs pen koronavırýstyq pnevmonııa sandary jarııalandy. Birinshisi PTR analızben rastalǵan jaǵdaı, ekinshisi klınıkalyq belgileri boıynsha rastalǵan jaǵdaı.
Birinshisi boıynsha bir kúnde 1226 naýqas, 36 ólim tirkelse, ekinshisi boıynsha 5181 naýqas, 30 ólim tirkelgen.

Biraq koronavırýstyń negizgi statıstıkasyna tek 1226 degen san ǵana qosyldy. Coronavirus2020.kz saıtynda koronavırýstyq pnevmonııadan ólgender sany bólek kórsetilgenine qaraǵanda, Covid ólimi deregine koronavırýstyq pnevmonııadan qaıtqandar da kirmeıtin kórinedi.

Al DDSU-nyń, Djons Hopkıns ýnıversıtetiniń jáne worldometers.info saıtynyń Covid kartalary Qazaqstan málimetin tek bılik deregine súıenip jarııalaıdy.

Iaǵnı keshegi derekten soń Qazaqstandaǵy koronavırýs juqtyrǵandar sany 6407 adamǵa (1226+6407) emes, tek 1226 adamǵa artyp, 91 593-ke jetken. Eger biriktirse, 96774 bolýy kerek edi jáne biz alda turǵan Egıpetten ozyp ketýimiz qajet bolatyn.

Qorytqanda, bılik Covid pen pnevmonııany biriktirgen joq, bıliktiń jasaǵany – jaı ǵana pnevmonııa deregin koronavırýspen qatar jarııalaý. Osyny isteý úshin eki apta ketti.

Al kórshimiz Qyrǵyzstan statıstıkany biriktiretinin 16 shilde jarııalady da, 17 shilde kúni ortaq sanǵa kóship ketti. Bir-aq kúnde. Sóıte tura Qyrǵyzstan statıstıkany rasymen biriktirip jarııalady, Qazaqstan sııaqty aıla jasamady.

Darhan Ómirbek

Pikirler