Bügıngı taŋda Qaratau audanynda 47 myŋnan astam tūrǧyn üi bar. Onyŋ 80,8 paiyzy memlekettık quat közıne qosylǧan. Al, qalǧan 19,2 paiyzy jekemenşık transformatordan quat alady eken. Qazırde Qarataudaǧy bırneşe şaǧyn audanda elektr jelılerın tartu jūmystary jürgızılıp jatyr. Būl turaly Adyrna Şymkent qalasy äkımınıŋ baspasöz qyzmetıne sılteme jasap habarlaidy.
Naqtyraq aitar bolsaq, Dostyq şaǧyn audanyndaǧy elektr jelılerınıŋ qūrylysyna 2019 jyly biudjetten 400 mln tg qarastyrylyp, jūmysy bastalǧan bolatyn. Biyl taǧy 240,6 mln tg bölınıp, elektr baǧanalary ornatylyp jatyr. Jalpy joba qūny 848,1 mln teŋgenı qūraidy. Merdıger «KazAlfaStroi» kompaniiasy elektr jelısın keler jyldyŋ qaraşa aiynda qūryp bıtıruı tiıs. Nätijesınde, 47 km jelı jäne 13 dana KTP ornatylatyn bolady.
Mūnan özge, Tūran şaǧyn audanynda elektr jaryǧy qūrylysyna biyldyŋ özınde 256,3 mln tg qarastyrylyp, «ABM Bilding» JŞS-y tarapynan jūmystary bastaldy. Jalpy qūny 2 mlrdtan asatyn joba 2021 jyly qaraşa aiynda qoldanysqa berıledı.
Al, Asar-2 şaǧyn audanyndaǧy elektr jelılerınıŋ qūrylysyna 2019 jyly biudjetten 700 mln tg qarastyrylǧan. Biyl bolsa, 474,8 mln tg bölınıp, qūrylys jūmystary atqarylyp jatyr. Qūny 1 mlrdtan asatyn quat jelısın «Remstroi Almaty» kompaniiasy osy küzde salyp bıtuı qajet.
Mūnan bölek, Qaratau audanyndaǧy Tassai, Azat, Qaitpas şaǧyn audandarynda da elektr baǧanalaryn ornatu jūmystary jürıp jatqanyn aita ketken jön.
“Adyrna” ūlttyq portaly
