Bıyl tamyz aıynda bastalatyn «Nur Otan» partııasynyń praımerızi naǵyz kóshbasshylardy anyqtaýy tıis. Sondaı-aq, halyqtyń «meniń depýtatym kim?» degen saýalyna jaýap bere alatyndaı jaǵdaı ornatýy kerek. Bul týraly búgin «Nur Otan» partııasy jaqtastarynyń lıgasy ótkizgen onlaın-konferenııada partııa hatshysy Álibek Áldeneı aıtty.
Aıta keteıik, bir top belgili belgili qoǵam belsendileriniń bastamasymen qurylǵan «Nur Otan» partııasy jaqtastarynyń lıgasy osymen birneshe ret zoom-konferenııa ótkizip úlgerdi. Oǵan lıgaǵa múshe bolǵan qoǵam belsendileri men partııa hatshylary qatysyp keledi.
Partııa ishinde praımerız ótkizýdiń basty maqsattary men mindetterine toqtalǵan Álibek Áldeneı.
«Kóp jaǵdaıda – qandaı da bir máselege qatysty durys sheshim qabyldanǵannyń ózinde, eger sol sheshimderge jaýapty adamdar óz oılaryn ashyq túsindirmese, halyqty soǵan jumyldyra almasa, ol istiń iske asýy ekitalaı. Sondyqtan da, biz úshin praımerız – jaýapty, kásibı deńgeıi joǵary, básekege qabiletti, óz oıyn erkin jetkize alatyn, halyqtyń arasynda bedeli bar, ashyq negizde iriktelip shyqqan azamattardy partııalyq jumysqa tartý. Iaǵnı, erteń olar óz aýdanynyń máselelerin bile tura sheshý joldaryn ózderi anyqtap, halyqpen birge sony talqylap, máslıhatqa ne Májiliske barǵan kezde usynystaryn aıqyn dálelder arqyly qorǵap, iske asyrylýyn qadaǵalaı alatyn adamdar bolýy kerek», - dedi Á.Áldeneı.
Qatysýshylardyń sózinshe, qazirgi depýtattar áleýmettik jeliler men dástúrli BAQ-tyń ózinde jıi synǵa ushyraı bastaǵan. Turǵyndar olardan jumystyń naqty nátıjesin talap etip halyqpen sóılesýin jáne mańyzdy suraqtardy ashyq kóterýin suraýda.
«Osyndaı jaǵdaılardy boldyrmaýdyń bir tetigi – praımerız. Partııanyń atynan saılaýǵa túsý úshin kez-kelgen azamat praımerız arqyly óziniń óńirinde halyqpen kezdesip, olardyń problemalaryn bilip, tıisti jaýapkershilik alyp, sol saılaý berýshilerdiń sózimenen shyǵý kerek. Sonda, bolashaqta halyqtyń kókeıindegi «meniń depýtatym kim?» degen saýal týyndamaıtyn bolar. Osyndaı jolmen saılanǵan azamattar erteń jaýapkershilikti sezinip, halyqpen tyǵyz jumys isteıdi», - dedi bul máselege qatysty oıyn túıindegen Álibek Áldeneı.
“Adyrna” ulttyq portaly
