Búgin Memleket basshysy Qasym-Jomart Toqaevtyń qabyldaýynda boldym. Prezıdentke jańa oqý jylyna daıyndyq jáne buǵan deıin Mınıstrlikke mindettegen tapsyrmalardyń oryndalý barysy jaıynda esep berdim.
Memleket basshysy jańa oqý jylyn durys uıymdastyrýdyń mańyzdy ekenin eskertti. Ásirese qashyqtan oqytý kezinde áleýmettik az qamtylǵan otbasylardan shyqqan balalarǵa qoldaý kórsetý qajettigine basa nazar aýdardy.
Qasym-Jomart Kemeluly pedagogterdiń mártebesin kóterý jónindegi jumysty jalǵastyrýdy, ustazdardy negizgi qyzmetinen bólek jumysqa jumyldyrmaýdy jáne 2021 jylǵy qańtar aıyna josparlanǵan muǵalimderdiń jalaqysyn 25%-ǵa arttyrýdy qamtamasyz etýdi tapsyrdy.
Sondaı-aq joǵary oqý oryndarynyń akademııalyq derbestigin odan ári keńeıtý, joǵary bilimniń sapasyn arttyrý jáne JOO-daǵy ǵylymdy damytý týraly tapsyrma berdi.
QR Bilim jáne ǵylym mınıstri
Ashat Aımaǵambetov
