Aqtaý qalasynda keshe kúni boıy jaýǵan jańbyr saldarynan ortalyq kósheler sýǵa tolyp, jańadan salynǵan kópqabatty úılerdiń shatyrynan sý ketti.
Aldymen jelide Aqtaý turǵyndarynyń úılerinen ketken sýdy jumyla ózderi tazalap jatqany túsirilgen vıdeolar paıda boldy. Vıdeodaǵy kórinis qalanyń 19 shaǵynaýdandaǵy «Tynyshtyq» turǵyn-úı kesheni eken.
Aqtaý qalalyq ákimdigi vıdeodaǵy úıdiń buzylǵan jerleri jóndeletinin habarlady. Baspasóz qyzmetiniń málimetinshe, kóshelerdiń sýy tazartylýda.
«Aǵymdaǵy jyldyń 5-shi tamyzynan 6 tamyzyna qaraǵan túni qala boı̆ynsha tolassyz jaýǵan jaýyn-shashyn saldarynan qaladaǵy joldarǵa sý jınaldy. Jaýyn sýyn sorǵytý maqsatynda kommýnaldyq kásiporyndardan barlyǵy 4 boı̆ler-assenızatory, 10 motopompasy jáne 2 sý sorǵysh kóligi (PNS) úzdiksiz kúni-túni qyzmet atqarýda. Qazirgi ýaqytta 31a, 31b, 32a, 32b shaǵynaýdandardyń jol qıylysy men 1 shaǵynaýdan oblystyq tis emhanasy mańy sýdan tazartylýda. Sonymen qatar, sý jınalǵan oryndardy tazalaýǵa «Qala joldary» JShS-nen 15 adam jáne Tótenshe jaǵdaı̆lar departamentinen 20 adam jumyldyryldy»,-dep habar taratty baspasóz qyzmeti.
"Adyrna" ulttyq portaly
