Aqtau qalasynda keşe künı boiy jauǧan jaŋbyr saldarynan ortalyq köşeler suǧa tolyp, jaŋadan salynǧan köpqabatty üilerdıŋ şatyrynan su kettı.
Aldymen jelıde Aqtau tūrǧyndarynyŋ üilerınen ketken sudy jūmyla özderı tazalap jatqany tüsırılgen videolar paida boldy. Videodaǧy körınıs qalanyŋ 19 şaǧynaudandaǧy «Tynyştyq» tūrǧyn-üi keşenı eken.
Aqtau qalalyq äkımdıgı videodaǧy üidıŋ būzylǧan jerlerı jöndeletının habarlady. Baspasöz qyzmetınıŋ mälımetınşe, köşelerdıŋ suy tazartyluda.
«Aǧymdaǧy jyldyŋ 5-şı tamyzynan 6 tamyzyna qaraǧan tünı qala boĭynşa tolassyz jauǧan jauyn-şaşyn saldarynan qaladaǧy joldarǧa su jinaldy. Jauyn suyn sorǧytu maqsatynda kommunaldyq käsıporyndardan barlyǧy 4 boĭler-assenizatory, 10 motopompasy jäne 2 su sorǧyş kölıgı (PNS) üzdıksız künı-tünı qyzmet atqaruda. Qazırgı uaqytta 31a, 31b, 32a, 32b şaǧynaudandardyŋ jol qiylysy men 1 şaǧynaudan oblystyq tıs emhanasy maŋy sudan tazartyluda. Sonymen qatar, su jinalǧan oryndardy tazalauǧa «Qala joldary» JŞS-nen 15 adam jäne Tötenşe jaǧdaĭlar departamentınen 20 adam jūmyldyryldy»,-dep habar taratty baspasöz qyzmetı.https://www.youtube.com/watch?v=pCK03ZJdLGM&feature=youtu.be https://www.youtube.com/watch?v=L0woebeXLUc&feature=youtu.be
"Adyrna" ūlttyq portaly
