Keşe, 4 tamyzda feisbuktaǧy paraqşamda jäne «Adyrna» ūlttyq portalynda (https://adyrna.kz/index.php/post/43155), sondai-aq "Qazaq ünı" ūlttyq portalynda (https://qazaquni.kz/2020/08/04/149984.html) «Kerekude Keŋes äskerlerı därıptelude» atty syn maqalam jariialanǧan edı. Onda Qazaqstannyŋ küntızbesınde joq KSRO äue desanty äskerlerınıŋ atauly künı 2 tamyzda Keŋes odaǧy jauyngerlerın ūlyqtauǧa arnalǧan keşendı eskertkıştıŋ aşylǧanyn jazǧanbyz. Däl sol künı Kerekudegı Keŋes desantşylarynyŋ QR Prezidentı Q. Toqaevtyŋ epidemiiaǧa bailanysty jariialaǧan karantin talaptaryn aiaqasty ete otyryp, ortalyq köşelerde zaŋsyz şeruge şyqqanyn da aitqanbyz. Maqalada körsetılgen mäseleler jönınde «Ūlt taǧdyry» qozǧalysynyŋ oblystyq ūiymy jäne otanşyl azamattar Pavlodar oblysynyŋ äkımı, oblys prokurory, ŪQK oblystyq departamentı men oblys polisiia departamentınıŋ basşylarynyŋ atyna hat tapsyrdy.
Jūrtşylyqtyŋ narazylyǧyn tudyrǧan eskertkış bügın alynyp tastaldy! Estuımızşe, būl keşendı eskertkış tiıstı mekemelerdıŋ rūqsatynsyz, mamandardyŋ kelısımınsız demeuşılerdıŋ qarjysyna ornatylǧan.
Endı zaŋsyz şaralardy ūiymdastyrǧan «Pavlodar qalasy jäne Pavlodar oblysy boiynşa desanttyq bauyrlastyq» qoǧamdyq bırlestıgınıŋ töraǧasy Vasilii Maslovtyŋ üstınen qylmystyq ıs qozǧalsa jäne rūqsat etılmegen şeruge şyqqan qatardaǧy kök telpektıler 15 täulıkke qamalyp, köşe tazalau tärızdı qoǧamdyq jūmystarǧa jūmyldyrylsa qūba-qūp der edık. Bälkım, sonda ǧana olar Qazaqstan Respublikasynyŋ Zaŋyn qūrmetteudı üirenedı.
Qoǧam belsendılerınıŋ ötınış-tılekterıne sergek qaraǧan jergılıktı memlekettık organdarǧa rizaşylyq sezımımızdı bıldıremız.
Arman QANİ,
Pavlodar qalasy.
