Sanauly künderdıŋ keiın bılım granty igerlerınıŋ tızımı şyǧady. Biyl tegın bılım aluǧa ümıtker tülekterdıŋ sany 80 myŋnan asady. Olardyŋ ışınen 53 myŋ qazaqstandyq talapker joǧary bılımdı tegın – memleket esebınen ala alady. Al būl tızımge ılıge almai qalǧan tülekter aqyly negızde oqu üşın qoljetımdı joǧary oqu ornyn ızdep, älek bolatyny anyq. «Adyrna» ūlttyq portaly qazaqstandyq JOO-daǧy bılım alu qūnyn anyqtady.
KİMEP universitetı
Elımızdegı eŋ qymbat joǧary oqu orny - KİMEP universitetı. Būl bılım ordasyndaǧy oqu aqysy 2 million 700 myŋ teŋgeden bastalady.Universitet studenterıne aǧylşyn tılınde oqytatyn 31 akademiialyq baǧdarlamany ūsynady.
äl-Farabi atyndaǧy QazŪU
Al Qazaqstandaǧy köp salaly universitterdıŋ ūlttyq reitingısın bastap tūrǧan äl-Farabi atyndaǧy Qazaq ūlttyq universitetınde oqu aqysy 1 million teŋgeden 1 million 600 myŋ teŋgege deiın barady. Oqu orny jaqynda älemnıŋ üzdık 165 universitetınıŋ qataryna endı.
Gumilev atyndaǧy EŪU
Eger sız reitingte ekınşı oryn alatyn Gumilev atyndaǧy Evraziia ūlttyq universitetınde oqyǧyŋyz kelse kem degende 1 million 150 teŋge qarjy jinap qoiyŋyz. 2000 jyldan bastap universitet halyqaralyq deŋgeidegı joǧary oqu orny bolyp sanalady.
Asfendiiarov atyndaǧy QazŪMU
Bolaşaq därıgerlerdı daiyndaityn Asfendiiarov atyndaǧy Qazaq ūlttyq medisinalyq universitetınde oqu aqysy 635 myŋ teŋgeden bastalady. Universitette Qazaqstannyŋ belgılı ǧalym-pedagogtary, QR Ūlttyq Ūlttyq ǧylym akademiiasynyŋ, Resei medisinalyq ǧylymdar akademiiasynyŋ, QR Profilaktikalyq medisina akademiiasynyŋ, Halyqaralyq akadamiialardyŋ akademikterı qyzmet etedı.
UIB universitetı
Almaty şaharynyŋ törınde ornalasqan Halyqaralyq biznes universitetınde de oqu aqysy arzan emes. Būl jerde oqu üşın jylyna kem degende 800 myŋ teŋge töleuıŋız kerek. Sonymen qatar, kelesı kursqa aiaq basqan saiyn būl baǧanyŋ köterılıp otyratynyn ūmytpaǧanyŋyz jön.
Sätbaev atyndaǧy QazŪTU
Tehnikalyq baǧytty taŋdasaŋyz, qūjattaryŋyzdy Sätbaev universitetıne tapsyryŋyz. Ol elımızdegı eŋ üzdık tehnikalyq joǧary oqu orny. Oqu aqysy 635 myŋ teŋgeden bastalady.
Jürgenov atyndaǧy Qazaq ūlttyq öner akademiiasy
Jürgenov atyndaǧy Qazaq ūlttyq öner akademiiasyndaǧy oqu aqysy 600-640 myŋ teŋge aralyǧyn qūraidy. Oqu 12 mamandyq jäne 39 arnauly mamandyq boiynşa jürgızıledı.
M.Äuezov atyndaǧy OQMPU
Şymkent qalasynda ornalasqan M.Äuezov atyndaǧy Oŋtüstık Qazaqstan memlekettık pedagogikalyq universitetı elımızdegı üzdık joǧary oqu ornynyŋ üştıgıne kıredı. Oqu aqysy barlyq mamandyqtarǧa bırdei, 360 myŋ teŋgenı qūraidy.
M.Ötemısūly atyndaǧy BQU
Elımızdıŋ batys öŋırınde oqu äldeqaida arzanǧa şyǧady. M.Ötemısūly atyndaǧy Batys Qazaqstan universitetınde aqyly bılım alu 287 myŋ teŋgeden bastalady.
Qorqyt ata atyndaǧy QMU
Elımızdegı eŋ qoljetımdı oqu oryndarynyŋ bırı –Qorqyt ata atyndaǧy Qyzylorda memlekettık universitetı. Oqu aqysy - 270-443 myŋ teŋge aralyǧynda.
Ekonomika, iurisprudensiia, halyqaralyq qatynastar, halyqaralyq qūqyq, älemdık ekonomika, stomotologiia mamandyqtarynyŋ oqu aqysy basqa mamandyqtarǧa qaraǧanda joǧary.
Bılım jäne ǧylym ministrı Ashat Aimaǧambetov joǧary oqu oryndarynan pandemiia kezınde oqu aqysyn kötermeudı sūraǧan edı. Dese de, joǧaryda körsetılgen baǧalarǧa qarap, ministrdıŋ ötınışıne qūlaq asqan universitetterdıŋ sausaqpen sanarlyq ekenıne köz jetkızıp otyrmyz.
Diana ASANOVA,
«Adyrna» ūlttyq portaly
