Densaulyq saqtau ministrı Aleksei Soi Qazaqstannyŋ qataŋ karantinnen qalai şyǧatyny turaly aityp, demalys künderı qandai qataŋ erejeler engızıletının aitty, dep habarlaidy «Adyrna» Kyzylorda-news.kzke sılteme jasap.
Soi «pandemiia aiaqtaldy» dedı jäne bız bırtındep qalypty ömırge oralatynymyzdy aitty.
«Azamattarǧa betperde kiiu jäne äleumettık qaşyqtyqty saqtau mındettı. Bız būqaralyq, merekelık jäne eske alu ıs-şaralaryn ötkızuden bas tartuǧa mäjbürmız. Būl qauıpsızdık üşın qajettı şaralar. Karantin bıtkennen keiın alǧaşqy qatelıktı qaitalaudyŋ qajetı joq. Barynşa saq bolǧanymyz jön», – dedı densaulyq saqtau ministrlıgınıŋ basşysy.Ministr memlekettık komissiia osy uaqytqa deiıngı şekteulerdı tek jūmys künderı jeŋıldetu turaly şeşım qabyldaǧanyn eske saldy.
«Kelesı demalys künderı el taǧy ekı künge karantinge oralady. 22 jäne 23 tamyzda 65 jastan asqan adamdardyŋ qozǧalysyna şekteu qoiylady, qoǧamdyq kölıkter toqtaidy, al biznes qaitadan jūmysyn toqtatuǧa mäjbür bolady. Erekşelık tek azyq-tülık dükenderı men därıhanalarǧa ǧana qatysty» – dep tüsındırdı Aleksei Soi.Densaulyq saqtau ministrlıgınıŋ basşysy azamattardan qabyldanǧan şaralardy tüsınıstıkpen qaraudy sūrady. Densaulyq saqtau jüiesındegı jüktemenıŋ negızgı körsetkışterınıŋ jaqsaruyna bailanysty jäne karantindık şaralardy küşeitu nemese jeŋıldetu kriteriiıne qol jetkızgenımızdı eskere otyryp, memlekettık komissiianyŋ otyrysynda densaulyq saqtau ministrı Aleksei Soidyŋ karantindık şaralardy kezeŋ-kezeŋımen jeŋıldetu turaly ūsynysy qaraldy.
“Adyrna” ūlttyq portaly
