Kün saiyn estitınımız: Üitıp ketıptı, büitıp ketıptı, süitıp ketıptı, atyp ketıptı, şatyp ketıptı, sasyp ketıptı, batyp ketıptı, jatyp ketıptı, qatyp ketıptı, şaşyp ketıptı, zorlap ketıptı, qorlap ketıptı, sorlap ketıptı, aldap ketıptı, ataiyn dep jaldap kelıptı, şaşyn tyqyrlap alyp, jan-jaǧyn barlap ketıptı, şpiondar örıp ketken, koronovirustan qanşama adam ölıp ketken...
Bıreu bıreudı aldap jatyr, endı bırı arbap jatyr, kültöbede künde jiyn, «ne bolyp kettı?» dep taldap jatyr, bıreu bıreudıŋ qanyn şaşyp kettı, endı bırı bilık dälızınde bıreudıŋ aiaǧyn basyp kettı, bailyqqa batqan milliarder, şetelge qaşyp kettı, keterınde talai bylyqty aşyp kettı...
Keşe bylai boldy, anaudyŋ ömırı lai boldy, öitıp kettı, söitıp kettı, ūryp kettı, sūmdyqtardan şaşymız tūryp kettı, dıni aǧymdar jastar ömırın būryp kettı, mūsylmandyq imanymyz qūryp kettı... Anau myjyp kettı, qyzyp kettı, syzyp kettı, atty, jatty, aram qatty, ötırık qūşaqtady, artynan pyşaqtady, közımız qaraŋ, köŋılımız alaŋ, myna ömır jaman... Aitatynymyz ösek, oilaitynymyz tösek, külıp jatyr şöpşek, qoramyzda joq eşkı men qoi, oilaitynymyz tek toi, qariiamyzda toqal, qolyna ūstaǧany bokal, bırınen bırı sūraǧany «şotal», aitatyndary: qūry, joǧal! Tuyp ketıptı, kındıgın özı kesıp, qanyn juyp ketıptı, balasyn qoqysqa laqtyryp, köŋılı suyp ketıptı, türmeden törteu qaşyp, olardy tört jüzı quyp ketıptı, şaqalaǧyn därıgerler satyp ketıptı, bailyqqa batyp ketıptı, anasynyŋ emşegı iıp ketıptı, körşınıŋ qyzy bır negrge tiıp ketıptı...
Taǧy künde estitınımız: Anau halyq näpaqasymen baiyp ketken, pälen auyldy tasqyn şaiyp ketken, bır äiel dambalyn baǧdarşamǧa jaiyp ketken, anau örtenıp, janyp ketken, «Djipter» jarysyp, bırı qalyp ketken, bıreudı bes balasymen qaǧyp ketken, bır mas aryqta aǧyp ketken, bır bai kedeidıŋ basyn şaǧyp ketken, onymen qoimai, mūrnyna solidor jaǧyp ketken, kempırdı mazaqtap, şaşyna bantik taǧyp ketken... Pälen bazar janyp jatyr, olardy öşıruge baryn salyp jatyr, elde jemqorlyq, bırınen bırı alyp jatyr...
Künde estitınımız: Öitıp ketıptı, büitıp ketıptı... Qūdaiym-ai, elde tynyştyq bolsa eken, sol tynyştyqty būzǧandar ... arǧy jaǧyn özderıŋız jazyŋyzdar, bailyqqa, mansapqa semıre bermei, säl-päl «azyŋyzdar!»
Mūhtar Şerımnıŋ qyşqyl satirasy,
«Adyrna» ūlttyq portaly
