Shymkentte jol jóndeý jumystary kestege saı atqarylýda. Jumystyń sapaly oryndalýy basty talap. Búginde birqatar kóshelerde qurylys jumystary aıaqtalýǵa taıaý. Solardyń negizgilerin aıta ketsek.
– Eńbekshi aýdany Tóle bı kóshesinde «Alem Trans Jol» JShS tarapynan ortasha jóndeý jumystary júrgizilýde. Ortasha jóndeý jumystarynda joldyń betki qabatyn jańartý, jaramsyz ırrıgaııalyq lotoktardy almastyrý qaralǵan. Kósheniń uzyndyǵy 2,6 shaqyrym, endi 2h7 metr. Búgingi tańda, joldyń betki asfalt qabatyn jańartý jumystary istelinýde. Nysandy bıyl qyrkúıek aıynda paıdalanýǵa berý josparlanýda.
– Ál-Farabı aýdany Túrkistan kóshesidegi (Ál-Farabı alańynan Adyrbekov kóshesine deıin) ortasha jóndeý jumystarynda joldyń betki qabatyn jańartý, ırrıgaııalyq lotaktardy almastyrý, jaıaý júrginshiler joly men velosıpedshilerge arnalǵan jol salý qaralǵan. Jóndeý jumystary júrgizilip jatqan kóshe bóliginiń uzyndyǵy 1,9 shaqyrym, eni 13 metr. Qazirgi tańda joldyń betki qabatyn asfalttaý jumystary atqarylýda Nysandy qazan aıynda paıdalanýǵa berý josparda.
– Eńbekshi aýdany Jibek joly kóshesindegi (Rysqulov kóshesinen Aımaýytov kóshesine deıin) ortasha jóndeý jumystaryn júrgizý «Sadı Stroı» JShS-ine júktelgen. Kósheniń uzyndyǵy 1,2 shaqyrym, eni 2 h11 metr. Búgingi tańda joldyń betki qabatyn asfalttaý jumystary júrgizilýde.
– Samal-3 shaǵynaýdanyndaǵy Abdramanov kóshesin ortasha jóndeý jumystary «Sıqym Oljas» JShS-gi tarapynan júrgizildi. Kósheniń uzyndyǵy 1,5 shaqyrym, eni 5 metr. Jol qurylys jumystary tolyǵymen aıaqtalyp, paıdalanýǵa berildi.
– Tasken turǵyn alaby, Abylaıhan, Túgeıbolat kóshelerinde ortasha jóndeý jumystary júrgizilýde. Sonymen qatar, №115 mektepke baratyn ataýy joq kóshege jaıaý júrginshiler jolyn ornatý jumystary atqarylýda.
Shymkent
