Qazaqstandyq jas ánshi Danelııa Tóleshova amerıkalyq «America’s Got Talent» talanttar shoýynyń jartylaı fınalyna ótti, dep habarlaıdy «Adyrna» tilshisi QazAqparatqa silteme jasap.
Tanymal álemdik shoýdyń shırek fınaly bir kún buryn tikeleı efıde ótti, Jartylaı fınalıster kórermenderdiń daýysy arqyly tańdaldy. Daýys berý AQSh- taǵy NBC saıtynda ótkizildi. Birineshe qatysýshy qazylar alqasynan qosymsha upaı aldy.
«Los Andjelste meniń janymda anam jáne ustazym Natalııa Aleksandrova bar. Biz sahnaǵa shyǵardyń aldynda qatty qobaljydyq. Men akademııalyq pedagog Gúlzat Daýrbaevamen qosymsha daıyndaldym. Aýyryp ta qaldym. Baqytymyzǵa oraı, bári tez ótti. Barshańyzǵa rahmet! Qoldaý kórsetkenderińiz úshin alǵysym sheksiz. Men qazir qandaı kúıde turǵanymdy sózben aıtyp jetkize almaımyn. Keremet atmosfera! Shabyttandyrady eken. Men endi kelesi týrǵa daıyndalamyn"- dep bólisti Danelııa.
Búgin shoýǵa qatysýshylar baspasóz máslıhatyn ótkizip, AQSh-tyń BAQ ókilderine suhbat beredi.
Esterińizge sala keteıik, shırek fınalda qazaqstandyq 14 jasar juldyz Garrı Staıldyń «Sing of the Times» ánin tamasha oryndap shyqty. Oǵan kórermender men qazylar alqasy oryndarynan tik turyp qol soqty.
Sofııa Vergara jas ánshiniń ónerin joǵary baǵalady.
Danelııa, anasy jáne ustazy AQSh-qa birneshe kún buryn bardy. Shoýdyń barlyq qatysýshylary úshin mindetti shart - bul karantındik sharalardy qatań saqtaý.
«Biz ushar aldynda koronavırýsqa test tapsyrdyq. AQSh-qa kelgen soń basqa qatysýshylar sııaqty, mindetti karantın sharalaryn saqtadyq, taǵyda test tapsyrdyq. Biz qaýipsizdik sharalaryn qadaǵalaımyz, tipti qyzmet kórsetýde eshqandaı baılanys bolmas úshin qonaqúıdegi tamaq esikke jetkiziledi», deıdi Danelııanyń ustazy Natalııa Chýrakova.
«America’s Got Talant» jartylaı fınalynyń ýaqyty men qazaqstandyq juldyzdyń qandaı kompozıııa oryndaıtyny ázirge belgisiz.
"Adyrna" ulttyq portaly
