Shymkent qalasynyń ákimi Murat Áıtenovtiń onlaın qabyldaýyna jazylǵan erli-zaıyptylar turǵyn úı salasy boıynsha máselesin ortaǵa saldy.
Olardyń aıtýynsha kezegi jetip memleket tarapynan berilip jatqan 2 bólmeli páterdiń otbasy músheleri úshin tar bolatynyn jetkizdi. Sonymen qatar, úıdiń otaǵasy áıeli Alımhanova Dınany múmkindi shekteýli azamattar tobyna kirgizý jóninde ótinishin bildirdi.
«Qazirgi tańda úsh bólmeli páterlerdiń bos bolmaýyna baılanysty, Sizderge eki bólmeli páter usynylǵan bolatyn. Jyl sońyna deıin paıdalanýǵa beriletin turǵynúılerden otbasyńyz úsh bólmeli páter kiltin alatyn bolady. Ókinishke oraı, memleket tarapynan tórt ne odan kóp bólmeli páterler salynyp jatqan joq. Biz turǵyndar úshin zań aıasynda barlyq múmkindikti qarastyramyz», - dedi Murat Dúısenbekuly.
Sonymen qatar, onlaın qabyldaý barysynda jer qujattaryn rásimdeý, bıznes josparyna qoldaý bildirý syndy máseleler kóterildi.
Murat Áıtenov turǵyndardyń aryz-shaǵymdary boıynsha tıisti sala basshylaryna tapsyrmalar berip, óz baqylaýyna alǵanyn aıtty.
Shymkent qalasy ákiminiń baspasóz qyzmeti
