Sarapşylardyŋ pıkırınşe, kiberqylmyskerler Düniejüzılık densaulyq saqtau ūiymynyŋ atynan jaŋalyqtar taratuda. Paidalanuşylarǧa virus turaly qūpiia jäne öte maŋyzdy aqparatty alu üşın qauıptı sıltemeler jıberedı. Osylaişa, olar öz qūrbandarynyŋ şottaryna qol jetkızıp, jeke jäne tölem aqparatyn ūrlaidy. Eset habarlama kelgen elektrondyq poşta mekenjaiyn tekserıp otyrudy ūsynady: mysaly, @who.com, @who.org nemese @who-safety.org meken-jailarynyŋ DSŪ-ǧaqatysy joq.
Alaiaqtar Qytaidaǧy balalar üşın koronavirus vaksinasyn tabu maqsatynda jalǧan qaiyrymdylyq aksiialaryn da ötkızgen.
Sonymen qatar, medisinalyq maskalar men antiseptikalyq qūraldardy satuǧa arnalǧan jalǧan jarnamalar keŋ etek jaidy. Olardyŋ kömegımen kiberqylmyskerler nesie kartalarynyŋ mälımetterın alyp, şottaǧy aqşany ūrlaidy. Sonymen, Sky News habarlauynşa, 2020 jyldyŋ aqpan aiynda Ūlybritaniiadaǧy qylmyskerler mūndai nauqannan kem degende 800 000 funt sterling (1 million dollar) tapqan.
Esıŋızde bolsyn!
Kiberqylmyskerlerden qorǧanudyŋ taǧy bır joly: elektrondyq poştany qorǧauǧa jäne fişingke qarsy antivirus qoldanu.
“Qazaqstannyŋ kiberqalqany” tūjyrymdamasy da osy mäsele aiasynda jobalardy qabyldap, naqty ıske köştı. Kiberqylmyskerlerdı qūryqtau - kün tärtıbındegı basty mäsele. Endeşe öz mälımetterıŋızdı qylmyskerlerden qorǧau üşın qorǧanys şaralaryn jürgızıp otyryŋyz.
Aiaulym ÄBILDA,
“Adyrna” ūlttyq portaly
