Jaŋa oqu jylynda mektepke baryp oqityn balalar sabaqta maska taǧyp otyrady, al qolǧap kiiu mındettı emes. Būl turaly densaulyq saqtau ministrlıgınıŋ resmi ökılı Baǧdat Qojahmetov mälımdedı, dep habarlaidy Sputnik Qazaqstan.
Balalarǧa qolǧap kiiu mındettı emes. Äleumettık jelılerde tarap jatqan aqparat şyndyqqa janaspaidy. Al sabaq kezınde balalar maska taǧuy tiıs. Statistika boiynşa olar virusty sirek jūqtyrsa da, auru tasyp, özınen ülken adamdarǧa jūqtyruy mümkın", – dedı Qojahmetov onlain baspasöz mäslihatynda.
Ol respublika biudjetınde balalardy maskamen qamtamasyz etuge aqşa qaralmaǧanyn aitty. Bıraq, būl ūsynysty densaulyq saqtau ministrlıgınıŋ basşylyǧyna jetkızuge uäde ettı.
Koronavirusqa bailanysty 2020-2021 oqu jyly qaşyqtan bılım beru formatynda bastalady. Ata-analardyŋ qalauy boiynşa mektepterde 1-4 synyp oquşylary üşın kezekşı synyptar jūmys ısteidı. Bır synypta bılım aluşylar sany 15-ten aspaidy.
«Adyrna» ūlttyq portaly
