Mahabbat– Afrikada da mahabbat! Jasym jiyrma toǧyzǧa kelse de, keŋkeles emespın, ker jalqau emespın, küşenşek emespın, külegeş emespın, bıraq, mahabbattan jolymnyŋ bolmai jürgenı, menıŋ küs–küs alaqanyma aqqudyŋ qonbai jürgenı ras. Mal baǧyp, ony satumen ainalysamyn.
Bır künı Eşkıgül degen qyzben internet arqyly tanysyp, özımdı Qoibaǧar dep tanystyryp, aqyrynda ol maǧan «Mahabbat» universitetınıŋ test sūraqtaryn jıberdı. Soǧan basym qatyp otyr, dosym testten qūlap qalasyŋ dep, är närsenı şatyp otyr. Sızderden sūranatynym, test sūraqtarynyŋ dūrys jauaptaryn jazyp jıberıŋızderşı, aqysyna alty myŋ teŋgenı Kaspii golf pa, gold pa, gord pa, soǧan jıberemın.
Bırınşı test sūraǧy: –Mahabbat degenımız ne? A.)Adamnyŋ jüregı. B) Qoidyŋ jüregı.Ä) İttıŋ jüregı. Ekınşı testıŋ sūraǧy: –Haua ana men Adam ata qaşan üilengen? A) Bızdıŋ eramyzǧa deiın B) Byltyr. Ä) Ajyrasyp ketken. Üşınşı testıŋ sūraǧy: –Qazırgı qyzdar halal ma? A) Aram. Qandaryna temekı, araq, gaşiş, şetel erkekterınıŋ ūryǧy aralasyp ketken. B) Qu. «Süiem!» dep üilenıp alady, sosyn, üiın, bailyǧyn tartyp alyp, ajyrasudy üirenıp alady. Ä) 90 paiyzy halal. Törtınşı testıŋ sūraǧy: –Jıgıtter qyzdardy nege aldaidy? A) Aldar Kösenıŋ ınılerı. B) Tauyq mahabbat. Ä) Aldamaityndar da bar, olar– auru.
Besınşı testıŋ sūraǧy: –Qyz Jıbektıŋ alǧaşqy mahabbaty. A) Bekejan. B) Tölegen. Ä) Türkıstan oblysynyŋ būrynǧy äkımı. Altynşy testıŋ sūraǧy: – Qyz ben jıgıttıŋ alǧaşqy dialogy: –A) Nesieŋız bar ma? B) Davai, süiıseiık? Ä) Sızben tanysqanyma alpys jyldan keiın ökınbeitın şyǧarmyn dep oilaimyn. Jetınşı testıŋ sūraǧy: –Şyŋǧyshannyŋ qanşa qatyny bolǧan? A) Men qaidan bıleiın? B) Jüz eludei. Ä) Ol kezde kalkuliator bolmaǧan. Segızınşı testıŋ sūraǧy: –Äiel men erkek nege bırge jatady? A) Qaraŋǧyda qoryqpas üşın.B)Ūrysyp jatu üşın. Ä) Ūrpaq qamy, Otan üşın. Toǧyzynşy testıŋ sūraǧy: –Mahabbat jasqa qaraidy ma? A) Mahabbatta közıldırık joq, qaramaidy. B) Maişammen qaraidy. Ä) Kelınşekter ınılerındei jıgıtterge tiıp jatyr. Onynşy testıŋ sūraǧy: – Jıgıt pen qyz qydyryp kele jatqanda, aldarynan aryq kezdestı. Jıgıt ne ısteidı? A) Qyzyn iterıp jıberedı.B) Aryqqa köldeneŋ jata ketıp, köpır bolady.Ä) Qyzdy arqalap, kerı qaşa jöneledı.
Mıne, osy on sūraqtyŋ jauabyn süiıktım «Mahabbat» universitetınen alyp, vasappen jıberıptı. Basym qatyp otyr, dosym «topas bolsaŋ, qatynsyz qalasyŋ!» dep ala közımen atyp otyr. Kömektesıŋızderşı?
Mūhtar Şerımnıŋ qyşqyl satirasy,
«Adyrna» ūlttyq portaly
