Qaiyrymdylyq - qaiyrly ıs. Elımızde 4 myŋǧa juyq ata-anasynyŋ qamqorlyǧynsyz qalǧan bala, 367 myŋ az qamtylǧan otbasy, 698 myŋ mümkındıgı şekteulı jan bar. Olardyŋ barlyǧy da kömekke zäru. Bır quantarlyǧy, soŋǧy jyldary qaiyrymdylyq qorlarynyŋ sany jyl sanap ösıp keledı. Mūqtaj jandarǧa kömektesıp, igı ısterdı atqaryp jürgen sondaiqorlardyŋ bırı - «Izettı ıs». Negızgı maqsaty - mümkındıgınşe mūqtaj jandarǧa järdemdesu, balalarǧa şattyq syilau.
Studentterdıŋ bastamasymen qūrylǧan «Izettı ıs» qaiyrymdylyq qory bügınde bıraz janǧa kömek qolyn sozyp ülgerdı. «Adyrna» ūlttyq portaly qor ūiymdastyruşysy Mūqasan Berdıhanmen äŋgımelestı.
- Bız erıktı türde niettes qyz-jıgıtter bolyp, mūqtaj adamdarǧa kömekteseiık degen nietpen bırıkken edık. Bastapqyda qor aşamyz degen maqsat bolmady. Keiınnen qatarymyz köbeiıp,jobalarymyz men maqsattarymyz auqymdyraq bola bastaǧannan soŋ qor retınde qūryludy jön sanadyq. 2019 jyldyŋ 9 jeltoqsanynda resmi memlekettık tırkeuden öttık.
Qazırgı taŋda «Izettı ıstıŋ» köpbalaly otbasylar men mümkındıgı şekteulı jandarǧa kömektesetın «Baqytty otbasy», balalarynyŋ üiınıŋ tärbielenuşılerımen jūmystanatyn «Säbi» jäne ärtürlı qaiyrymdylyq aksiialaryn ūiymdastyratyn «Meiırımdı qala» atty ülken jobalary bar.
Sūhbat barysynda Mūqasan myrza qaiyrymdylyq jasau üşın şynaiy niettıŋ jetkılıktı ekenın atap öttı.Sūhbat barysynda Mūqasan myrza qaiyrymdylyq jasau üşın şynaiy niettıŋ jetkılıktı ekenın atap öttı.
- Qaiyrymdylyq şaralaryn ūiymdastyrudyŋ eşqandai da qiyndyǧy joq. Keide kışkentai ǧana mäseleler şyǧyp qalyp jatady. Būl ıspen erıktı türde, şyn nietpen ainalysyp jürgendıkten olardy tosqauyl retınde sanamaimyz.
Qaiyrymdylyq bır-bırıne ūqsamaityn, bıraq älemdı bırge jaqsartudy maqsat etken jandardy bırıktıredı.
- Komandamyzda 50-den astam erıktı bar. Olar Almaty, Taraz, Jetısai qalalarynda köp şoǧyrlanǧan. Bız erıktılerge naqty bır talap qoimaimyz. Moraldyq, materialdyq kömegım tise boldy degen ärbır jan qatarymyzǧa qosyla alady.
«Izettı ıstıŋ» qūrylǧanyna 1 jyl boldy.
- Osy uaqyt aralyǧynda mūqtaj jandarǧa mümkındıgımızşe septıgımızdı tigızuge tyrystyq. Bız eŋ aldymen kömekke zäru adamdardyŋ jaǧdaiymen tanysamyz, olardan statusyn rastaityn qūjattaryn ūsynuyn ötınemız.
Qor Maqtaral audanyndaǧy su tasqynynan zardap şegıp, üi qūjattary dūrys bolmai, memleket nazarynan tys qalǧan 10 otbasyǧa üi qūrlysyna kerek degen zattaryn, al 20 otbasyǧa tūrmysqa qajettı zattardy alyp berdı jäne "Molla İsmail" meşıtınıŋ qūrlysyna kömektestı. Sondai-aq, Ramazan aiynda äleumettık jaǧdaiy tömen 50 otbasyǧa azyq-tülık pen auyzaşar mäzırın tarattyq.
Būl «Izettı ıs» jasaǧan igı ısterdıŋ bır parasy ǧana.
- Qorǧa kömektesıp jürgen mesenattar joq, bıraq bırşama tūraqty salymşylarymyz bar.
«Izettı ıs» qaiyrymdylyq qory ärbır qaiyrymdylyq şarasynan soŋ mındetti türde esep berıp otyrady. Erıktı bolamyn, qaiyrymdylyq jasaimyn deseŋızder, marhabat. Jaqsylyq jasap jarysaiyq!
Diana ASAN,
«Adyrna» ūlttyq portaly
