IIM “Balalarǧa qamqorlyq jasaŋyz” filmın jariialady, onda kämeletke tolmaǧandarǧa qarsy zorlyq-zombylyq taqyryby köterıledı, – dep habarlaidy«Adyrna» ūlttyq portaly Polisia.kz-ke sılteme jasap.
Materialda qylmystyq mälımetterden soŋǧy sandar keltırılgen. IIM-nıŋ resmi statistikasy boiynşa, 2020 jylǧy qaŋtar-tamyz aralyǧynda kämeletke tolmaǧandarǧa jynystyq qolsūqpauşylyqqa qarsy 550 qylmys jasalǧan. Olardyŋ köpşılıgı – 250 faktısı küş qoldanu, bopsalau, qorqytu nemese balanyŋ därmensızdıgın paidalanu arqyly absoliuttı zorlyq-zombylyq jaǧdailary. Būl qylmystardyŋ jartysynan köbın balanyŋ jaqyn ortasyndaǧy adamdar jasaidy. Jäbırlenuşı, ädette, 14 jastan aspaidy.
IIM mamandary qūqyq qorǧau organdary osy qylmystardyŋ saldarymen küresıp jatqanyn jäne polisiianyŋ küş-jıgerımen, jazany qataŋdatumen ǧana būl mäsele şeşılmeitının atap körsetedı.
– Balalarǧa, onyŋ ışınde seksualdyq zorlyq-zombylyq üşın jauapkerşılıktıŋ küşeiuıne qaramastan, mūndai faktılerdıŋ sany azaimai otyr. Būl – azaptau, ūryp-soǧu, bopsalau, qauıp-qaterlı jaǧdaida qaldyru. Olardyŋ üşten bırı jynystyq qol sūǧylmauşylyqqa qatysty, – dep atap öttı Işkı ıster ministrı Erlan Tūrǧymbaev.
Filmde zorlauşynyŋ jalpy portretı, azamattardyŋ qai sanattary mūndai qylmystardy jiı jasaityny surettelgen. Sondai-aq, materialda jäbırlenuşını oŋaltu mäselelerı qarastyrylǧan.
Polisiia qyzmetkerlerı qoǧamda jynystyq tärbie taqyrybynyŋ jabyq ekenın, iaǧni eresekter balalarǧa qarsy jasalǧan qylmys faktılerın jasyratyny turaly mäselenı köteredı.
IIM qazaqstandyqtarǧa “Balalardy bırge qorǧaimyz” degen ündeu tastap, azamattardy kämeletke tolmaǧandarǧa qatysty zorlyq-zombylyq mäselesın aşyq talqylauǧa şaqyrady.
“Adyrna” ūlttyq portaly
