Nūr-Sūltan qalasynyŋ Älımhan Ermekov köşesımen kele jatyp, ışım udai aşyp kettı. 1919-1920 jyldary aralyǧynda Qazaq elınıŋ şekarasynyŋ bekıtıluıne asa köp üles qosqan matematik, Alaşorda ökımetınıŋ alǧyr da, zerek müşesı, körnektı memleket qairatkerı, Qazaqtyŋ maŋdaiyna bıtken bırtuar ūly Älımhan Ermekovke kölemı bır qūlaş qana köşenı bere salypty. Mynau degenıŋ äruaq aldynda qylmys qoi dep özımnen özım tarylyp kettım. Būl tarihi tūlǧa özınıŋ jap jas şaǧynan bastap Älihan Bökeihannyŋ janynda qalmai jürgen. Älihan da būl jas jıgıttı zerektıgı men alǧyrlyǧyn tereŋ tanyp, memlekettıŋ eŋ maŋyzdy şarualaryna atsalysu üşın janynan tastamaǧan. Älımhan Ermekov öte jas kezınen bastap memleket pen ökımettıŋ şarualaryna aralasyp, äbden ysylyp, jas şaǧynyŋ kezınen özdıgınen memlekettık deŋgeide şeşım şyǧaratyn tūlǧa bolyp qalyptasty. Onyŋ Qazaq elınıŋ şekarasyn bekıtude Leninmen, Kalininmen, Enukidzemen otyryp talqylǧan kezındegı Qazaq elınıŋ jer kölemı 3 million 467 myŋ 922 şarşy şaqyrym bolyp körsetılıptı. Al qazırgı Qazaq jerı osy jerdıŋ 69 paiyzyn qūraidy. Bızlıŋ 31 paiyz jerımız qoldy bolyp kettı. Sonda bızdıŋ qanşama million şaqyrym jerlerımız jattyŋ qolynda ketkenın eseptei berıŋız. Nebärı 29 jasynda ūlty üşın ūly ısterge ömırın arnaǧan Älımhan Ermekovke Qazaqtyŋ elordasynda dūrys köşe būiyrmapty. Jalpy, Qazaq jerınıŋ şekarasyn bekıtude eŋ köp üles qosqan tarihi tūlǧalar 20 ǧasyrdyŋ basynda Älihan Bökeihan, Ahmet Baitūrsynūly, Älımhan Ermekov üşeuı bolǧanyn ūrpaq bılse eken... Būlar ūlylar. Ūlylar eşqaşan da ūmytylmaidy. Qazaqtyŋ taǧdyryn arqasyna arqalaǧan tarihi azamatqa būl köşenı qalai berıp otyr eken, tüsınuge miym jetpei tūr...
Bekbolat QARJAN,
"Adyrna" ūlttyq portaly
