Almaty äkımı Baqytjan Saǧyntaev bırınşı synypqa baratyndardy oqytuǧa pedagogikalyq joǧary oqu oryndarynyŋ tülekterı tartylady degen aqparatqa tüsınıkteme berdı dep habarlaidy «Adyrna» ūlttyq portaly Baq.kz saityna sılteme jasap.
Almatynyŋ bılım salasy qyzmetkerlerınıŋ «Almatynyŋ bılım bolaşaǧy: jaŋa jaǧdaidaǧy perspektivalyq şeşımder» forumynda B. Saǧyntaev kezekşı toptardaǧy 1-2 synyp oquşylarmen täjıribelı mūǧalımderdıŋ jūmys jasaityndyǧyn atap öttı.
Bırınşı synyp oquşylarynyŋ ata-analary joǧary oqu oryndarynyŋ täjıribesız tülekterı nemese soŋǧy kurs studentterı sabaq beredı eken dep alaŋdauşylyq bıldırude. Būǧan jol berılmeidı. Mektep tabaldyryǧyn jaŋadan attaǧan balalarmen täjıribelı mūǧalımder jūmys jasaityn bolady. Eş küdıktenbeŋızder. Bılım basqarmasyna tiıstı tapsyrmalar beremın, - dedı Almaty äkımı Baqytjan Saǧyntaev.
Forumda jaŋa jaǧdaida oqu prosessın ūiymdastyru mäselelerı talqylanuda. Onyŋ ışınde kezekşı toptarda sanitarlyq qauıpsızdıktı saqtau, qaşyqtan oqytudy ūiymdastyru, pedagogtar men mūqtaj oquşylardy kompiuterlık tehnikamen jäne internetpen qamtamasyz etu mäselelerı. Sonymen qatar, bala baqşalar men mektepterde orynmen qamtamasyz etudıŋ özektı mäselelerı de talqylanuda.
foto aqparat közınen alyndy.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz