Almatydaǧy № 4 qalalyq klinikalyq auruhananyŋ hirurgiia bölımınıŋ meŋgeruşısı Bolat Asylhanūly Tüsıphanov 49 jasynda qaitys boldy , - dep habarlaidy "Adyrna" tılşısı Tengrinews.kz-ke sılteme jasap.
"Bolat Tüsıphanovtyŋ kenetten qaitys boluy bükıl medisina qauymdastyǧy üşın orny tolmas qaza. Almaty qalasy Qoǧamdyq densaulyq basqarmasynyŋ ūjymy Bolat Asylhanūlynyŋ otbasy men jaqyndaryna qaiǧyryp köŋıl aitady", - delıngen basqarma habarlamada.Bolat Asylhanūly joǧary sanattaǧy därıger, mamandyǧy boiynşa 25 jyl jūmys ıstegen. Ärıptesterı ony talantty hirurg retınde sipattaidy. Almatydaǧy №4 qalalyq klinikalyq auruhananada 2018 jyldan berı jūmys ıstegen. Osyǧan deiın Jelıde almatylyq därıgerdıŋ audiojazbasy taraǧan bolatyn.
"Menıŋ ekı hirurgym auyryp qaldy, olar nauqastarmen bailanysta boldy, sonda jūmys ıstedı. Bıreuı jansaqtau bölımınde jatyp, äreŋ esın jidy, ekınşısı tıpten jatyp qaldy. Al bügın bızdıŋ meŋgeruşımız auyryp qaldy. Auruhanalar nauqastarǧa toly. Jansaqtau bölımınde oryn joq. Apparattar jetkılıksız. Būl şyndyq. Tıptı jaǧdaiy ortaşa auyr nauqastar üilerınde qalyp jatyr. Sızge eşkım därı bermeidı. Sondyqtan taǧy da aitamyn, densaulyqtaryŋyzdy saqtaŋyzdar, abai bolyŋyzdar", - degen edı Bolat Tüsıphanov audiojazbada.Keiınırek būl audiony därıgerdıŋ tuystaryna jazǧany anyqtaldy.
"Adyrna" ūlttyq portaly
