Almatyda dárihanalar men emhanalarda dári-dármekter men jeke qorǵanys quraldaryn daıyndaý úshin 10 mıllıard teńge bólindi. Bul týraly onlaın-brıfıng barysynda qalalyq ákimdiktiń dári-dármekpen qamtamasyz etý jónindegi úılestirýshisi Zańǵar Sálimbaev aıtty, - dep habarlaıdy "Adyrna" tilshisi Tengrinews.kz-ke silteme jasap.
"Koronavırýstyń ekinshi tolqyny bolýy múmkin ekenin eskere otyryp, sondaı-aq kúzgi-qysqy aýrýlardy eskere otyryp, biz turaqtandyrý qoryn qurdyq, oǵan 10 mıllıard teńge bólindi.
Bes mıllıard teńge naryqty turaqtandyrýǵa jáne Almaty qalasynyń dárihanalaryna bólinedi. Taǵy bes mıllıard teńge - bul staıonarlar men emhanalar úshin dári-dármekter men jeke qorǵanys quraldaryn jetkizý úshin qurylǵan rezervtik qor. Dárihanalarǵa arnalǵan dárilerdiń jalpy kólemi - keminde 40 mıllıon qaptama, 26,8 mıllıon qazirdiń ózinde jetkizilgen", - dedi Sálimbaev.
Almaty Kásipkerlik jáne ınvestıııalar basqarmasy basshysynyń orynbasary Qarlyǵash Ábdijabbarova qazir qalada dári-dármek tapshylyǵy joq ekenin aıtty.
"Adyrna" ulttyq portaly
