Qalalyq bılım basqarmasynyŋ basşysy onlain tamyz keŋesınde üş auysymdaǧy mektepter mäselesın 2024 jylǧa deiın tolyǧymen şeşu josparda ekenın aitty. Biyl 5100 oryndyq 8 mekteptıŋ (4 jaŋa, 4 qosymşa) jäne 300 oryndyq 2 öner mektebınıŋ qūrylysy paidalanuǧa berılıp, apatty mektepter sany 2-den 1-ge, üş auysymdy mektepter sany 19-dan 14-ke azaidy. Jalpy qalanyŋ demografiialyq ösımıne bailanysty jyl saiyn mektep oquşylarynyŋ sany 12 myŋnan astam balaǧa artuda. Sonymen qatar, atalǧan mäselelerdı şeşu maqsatynda Şymkent qalasynyŋ orta bılım beru salasynda jan basyna qarjylandyru jüiesın endıru arqyly jekemenşık mektepter jelısın arttyru jūmystary atqaryluda. Üş auysymdy bılım beru mäselesın aldyn alu boiynşa oquşy orny tapşylyǧy tuyndau mümkın bolǧan şaǧynaudandar men tūrǧyn alaptarǧa zerdeleu jürgızılıp, bılım nysandarynyŋ qūrylysy boiynşa jospar jasalǧan.
Şymkent qalasynyŋ Aqparattyq-kommunikasiialyq ortalyǧy
