Bügınde 2020-2025 jyldarǧa arnalǧan "Nūrly jol" infraqūrylymdy damytu memlekettık baǧdarlamasy jüzege asu üstınde. Būl baǧdarlama boiynşa 112 infraqūrylymdyq jobany ıske asyru qarastyrylǧan. Qazırgı taŋda Nūr-Sūltan qalasynyŋ infraqūrylymyn damytuǧa basty nazar audaryldy.
«Nūr-Sūltan qalasynyŋ töŋıregındegı mäselelerdı şeşuge üş jyldyq kezeŋge 22,5 mlrd teŋge qarastyrylǧan, osy qarajatty qala töŋıregınde ömır süretın azamattardyŋ tūrmys sapasyn arttyruǧa jūmsau qajet», - dedı Asqar Mamin.
Ötken jyly elordada ūzyndyǧy 34 şaqyrym, tört jolaqty ülken ainalma jol aşyldy. Sondai-aq, jalpy ūzyndyǧy 100 şaqyrymdy qūraityn 150 köşu jöndelu üstınde.
Astanany körkeitu jūmystary tūrǧyndar köŋılınen şyǧyp jatyr ma? «Adyrna» ūlttyq portaly sūrap kördı.
Alpamys Faizolla, jurnalist:
- Astanamyz maǧan ūnaidy. Bıraq kez-kelgen şahardyŋ artyqşylyǧy da, kemşılıgı de bolatyny ras. Nūr-Sūltannyŋ säuletı köz quantady. Äsırese, tünde öte ädemı. Qalanyŋ u-şuynan şarşaǧanda, köpşılık «Piramida» dep ataityn «Beibıtşılık jäne kelısım saraiynyŋ» artyndaǧy saiabaqqa barsaŋ, jüikeŋ demalady. Būl jer ülken şahardyŋ ortasyndaǧy typ-tynyş bır «aral» siiaqty. Būdan bölek taŋerteŋ aumaǧy öte ülken Botanikalyq baqta jügıru de bır ǧanibet. Bıraq astanadaǧy barlyq saiabaqtardyŋ da, köşelerdıŋ de kemşın tūsy – aǧaş azdau. Otyrǧyzylǧan köşetter bırte-bırte ösıp kele jatyr. Bolaşaqta Nūr-Sūltan toǧaiy qalyŋ, jasyl qalaǧa ainalu kerek. Sonymen bırge, o basta aryq jüiesı jobalanbaǧandyqtan, jaŋbyr jauǧanda, asfalttıŋ betı şylqyǧan su bolady. Aiaq kiımnen talai su ötken. Būl mäsele de şeşıledı dep seneiık. Kün ysyǧanda, keide özımdı qapyryq, qapas qalada akvariumdegı balyq siiaqty sezınemın. Jan-dünieŋ erkındıktı, tabiǧatty aŋsaidy. Astana arqyly Esıl aǧyp jatsa da, şahar aumaǧynda şomyluǧa rūqsat etılgen joq. Tek biyl ǧana äkımdık bırneşe jaǧajai aşqanmen, karantin jaǧdaiyna bailanysty ol jerler bos tūr. Halyq kelesı jyly qyzyǧyn köretın şyǧar, Alla qalasa. Menıŋ jūmysym da, jaldap tūratyn päterım de sol jaǧalauda. Sol sebeptı, özge audandardyŋ tynys-tırşılıgın egjei-tegjeilı bılemın dep aita almaimyn. Bıraq keide bazar maŋyndaǧy jataqhanalarǧa tüsırılımge barsaŋ, jūrt adam şoşityn deŋgeide ömır sürıp jatqanyn köresıŋ. Sonymen bırge, talai student universitetten jataqhana ala almai, päter jaldauǧa mäjbür bolatynyna kuä bolyp jürmız. Būl älı oquyn bıtırmegen jastarǧa da, olardyŋ ata-anasyna da auyr. Sol sebeptı, Nūr-Sūltanda halyqty jaldamaly, sapaly jataqhanalarmen qamtamasyz etu mäselesı şeşılse jaqsy bolar edı. Jalpylai alǧanda, astana ūnaidy. «Köş jüre tüzeledı» demekşı, şahar kemşılıkterden bırte-bırte aryla jatar.
Aiman Joldy, mūǧalım:
- Astanada tūryp jatqanyma 15 jyldyŋ jüzı boldy. Elımızdegı eŋ ädemı qala desem, artyq aitpaǧanym şyǧar. Maǧan «Prezidenttık park» öte qatty ūnaidy. Aumaǧynda jasandy aǧyndar, subūrqaqtar men gülzarlar bar. Būl jerge otbasymyzben jiı kelıp tūramyz. Jalpy Nūr-Sūltandy körkeitu jūmystary joǧary deŋgeide jüzege asyryluda.
Azamat Mūrat, injener:
- Astana jyldan-jylǧa körkeiıp jatyr. Nūr-Sūltan qalasynyŋ arhitekturalyq körınısı Şyǧys pen Batystyŋ mädeni dästürlerın beineleitın arnaiy euraziialyq stilde jasalǧan. Maǧan säuletşı Aqmyrza Rüstemovtyŋ tuyndysy «Bäiterek» monumentı ūnaidy. Basşylyqqa jol mäselesıne basa nazar audaryŋyzdar dep aitqym keledı.
- Barlyq Qazaqstannyŋ qalalary özınşe ädemı, sūlu da erekşe ! Astana - jas qala , bırte -bırte ösıp kele jatqan qala.Erekşe ūnaityn jerlerı - Jerūiyq saiabaǧy, Mūhitaral jäne Piramida. Dese de, oŋ jaǧalaudyŋ ädemırek ekenın aita ketken jön. Qūrylys obektılerın sol jaǧalauǧa da köpteu salu kerek.
«Adyrna» ūlttyq portaly
