Otandyq şou biznes ökılderı bırın bırı äşkerelep onlain aiqasqa tüsude

Karantinde otyrǧan ärtısterdıŋ şyǧarmaşylyǧy toqtap qalǧanymen, olardyŋ esımderı otandyq basylym betterınen tüspedı. Öitkenı şou-biznestegı bauyrlar men aǧa-ınıler onlain aiqasqa tüsıp, instagramda bırın bırı äşkereleumen boldy. Mäselen, sonyŋ bırı – Gauhar Älımbekova. Būl osy aidyŋ basynda Gauhar Älımbekova men käsıpker Serık Mämreev arasyndaǧy dau. Talai toiǧa mūryndyq bolyp jürgen Serık myrza Älımbekovamen onyŋ konsertın ūiymdastyratyn bolyp kelısken. Bıraq mejelı uaqyt jetkende Mämreev biletterdıŋ ötpegenın jäne konsertterdıŋ bolmaitynyn aitqan. Al änşınıŋ būǧan sengısı joq. Gauhar Älımbekova, änşı: - Menıŋ konsertım eşqaşanda ötpei qalǧan emes. özıŋız bılseŋız Almatyda da, liuboi jerde, kez kelgen jerde menıŋ konsertım anşlagpen ötıp jür. Ol özı ūiymdastyra almaǧan adamnyŋ änşeiın anaǧan jaba salǧan kınäsı. Aldyn ala ekı million berdım degen käsıpker älıge deiın aqşany qaitaryp ala almai jürgen körınedı. Al Älımbekovanyŋ özı bolsa «bergenı qalamaqy emes, kepılpūl. Al kepılpūl qaitarylmaidy» dep bekınıp otyr. Gauhar Älımbekova, änşı: - Ekı millionyn alam, bır qaǧazyna qolymdy qoiyp beremın. Ony körsetıp jür eken ǧoi instagramda salyp: «osyndai qol qoidy, anau-mynau» dep ta. Men ony almadym dep tūrǧan joqpyn. Alǧanym ras. Karantinde eldı eleŋ etkızgen – Ernar Aidar jarnamalaǧan lotereia oiyny. Atalmyş oqiǧadan bıraz şu tuyndap, nätijesınde bırneşe ūiymdastyruşy temır torǧa toǧytylǧan bolatyn. Al Ernardyŋ özı bolsa, būl ıste tek kuäger bolǧanyn aitty. Ernar Aidar, änşı: - Sol ūtys oiynyn ūiymdastyrǧan ūiymdastyruşylardyŋ barlyǧy qamauda. Almaty qalasy ekonomikalyq tergeu departamentı tergeu jūmystaryn jürgızıp jatyr. Sol tergeu jūmystarynyŋ ädıl ötuıne men de öz tarapymnan kömegımdı berıp jatyrmyn. Sol tırlıkke jarnama jasaimyn dep, men de aldanyp qaldym aǧaiyn. Al jelıde aşyq aiqasyp, kaznette qyzu talqyǧa tüsken Uälibek Äbdıraiymov pen Nūrlan Qoianbaev boldy. Aǧasynyŋ «kinony tek qazaq tılınde taspalaŋdar» degen synyna renjıgen Nūrlan da öz paraqşasynda Äbdıraiymovqa arnap, ökpelı post jariialaǧan-dy. Al Uälibek myrza soŋyna deiın öz aitqanynan qaitpady. Uälibek Äbdıraiymov, äzılkeş: - Sol orysşa-qazaqşa aralasqandy men keşıre almaimyn endı. Özıŋdı körsetu maqsatynda, kino tüsıre alatynyŋdy bıldıru maqsatynda qarjyŋdy jinap alyp, osyndai äreketke baruǧa bolatyn şyǧar. Al endı ol äreketten ötkennen keiın, endı ūltyŋyzǧa qarai qyzmet ıstegenderıŋız dūrys bolady-au. Tıptı ınısınıŋ ısıne qarny aşqan äzılkeş, oǧan öz aqylyn aitqan edı. Uälibek Äbdıraiymov, äzılkeş: - Ötınış menen, qazaq tılı kempır-şaldyŋ tılı, bolmasa auyldan kelgen alaŋǧasarlau balanyŋ tılı bolmasyn. Karantin kezı – dertımen ǧana emes, jūldyzdar arasyndaǧy şumen de tynyş bolmaǧany anyq. Būǧan tıkelei dälel – joǧaryda atalǧan aiqastar. Aqparat közı NTK- REVUE Foto aşyq derekközden alyndy.