Nur Otan partiiasynyŋ praimerizıne ümıtkerlerdı tırkeu merzımı aiaqtalyp, qorytyndysy jariialandy. Būl turaly «Nur Otan» partiiasy Töraǧasynyŋ bırınşı orynbasary Bauyrjan Baibek Facebook jelısındegı paraqşasynda jazdy.
Qūrmettı dostar! Osy demalys künderı «Nur Otan» praimerizıne ümıtkerlerdı tırkeudıŋ qorytyndysy şyǧaryldy. Elbasy, partiia Liderı N.Ä. Nazarbaevtyŋ tapsyrmasy boiynşa partiiaışılık sailau tūŋǧyş ret respublikalyq auqymda ötıp jatyr. Ol – partiiany «qaita jandandyru» men jaŋǧyrtudyŋ qorytyndy kezeŋı bolyp otyr dep jazdy Bauyrjan Baibek.
⠀
Sonymen, 17 – 28 tamyz aralyǧynda 10 990 adam tırkeldı. Olardyŋ 36,9% - äielder, 29,6% – 35 jasqa deiıngı jastar. Bastauyş partiia ūiymdarynan 3090 azamat ūsynylsa, al özın-özı ūsynuşylar – 7900 adam.
⠀
Qatysuşylardyŋ ortaşa jasy – 43 jas.
⠀
Bır orynǧa ümıtkerlerdıŋ eŋ köbı Nūr-Sūltan qalasynda – 18. Almaty men Şymkentte – 9-dan, Jambyl jäne Türkıstan oblystarynda – 6 ümıtkerden keledı. Şyǧys Qazaqstan oblysynda äielder jäne Türkıstan oblysynda jastar erekşe belsendılık tanytqan.
⠀
7 qyrküiekten bastap praimerizdıŋ kelesı kezeŋı – ügıt bastalady. 14 – 30 qyrküiek aralyǧynda onlain rejimde jariia pıkırsaiystar ötedı.
⠀ Elımızdıŋ Prezidentı Q.K. Toqaevtyŋ "Halyq ünıne qūlaq asatyn memleket» tūjyrymdamasynyŋ aiasynda qyrküiektıŋ basynda bızdıŋ öŋırlık 216 sailaualdy baǧdarlamamyzdyŋ jobalary jariialanady. Olar halyqpen bırge talqylanǧannan keiın jetıldırıletın bolady. Osy oraidy paidalana otyryp, öz-özıne jäne partiiamyzǧa senım artyp, praimerizge öz kandidaturasyn ūsynǧan ärbır janǧa alǧys aitqym keledı. Bız olardyŋ adal, aşyq jäne barşa qatysuşylarǧa berılgen teŋ mümkındıktermen baq synaularyna bar jaǧdaidy jasaimyz", - deidı Bauyrjan Baibek.
Odan bölek, ol ırıkteuden ötpei qalǧan, bıraq köpşılık qoldaǧan ümıtkerlerdıŋ jaiyn da aityp öttı.
⠀ Partiiaışılık ırıkteudıŋ jeŋımpazdary Mäjılıs pen barlyq deŋgeidegı mäslihattarǧa arnalǧan partiialyq tızımderımızge engızıletın bolady. Būl – 5,5 myŋnan astam adam. Al ırıkteuden ötpegen, bıraq eleulı qoldauǧa ie bolǧan azamattar partiianyŋ jaŋa kadrlyq rezervıne enedı. Partiia Liderı Nūrsūltan Nazarbaev aitqandai, «elımızdegı mäselelerdı bırlesıp şeşu üşın aşyq dialogty qamtamasyz etu maŋyzdy. Praimeriz qatysuşylary jergılıktı jerlerde özektı mäselelerdı aşyq köterıp, kemşılıkterdı anyqtap, naqty şeşımder ūsynuy tiıs», - dep tüidı sözın Bauyrjan Baibek.
"Adyrna" ūlttyq portaly ⠀
