Elımızdıŋ tüpkır-tüpkırınde qarjylyq piramidalardyŋ bar ekenı jasyryn emes. Bügınde «Indigo24» dep atalatyn kezektı qarjy piramidasy milliondaǧan salymşysyn taqyrǧa otyrǧyzyp kettı. Ol elımızde 3 jyl boiy jūmys jasap, halyqtyŋ senımıne kırgen-dı.
Qazırgı taŋda alaiaqtardyŋ arbauyna tüsken jūrt aqşalaryn qaitara almai älek bop jür. Būl turaly zaŋger-mediator Aijan KESEBAI aityp berdı.
Ärbır üşınşı üi zardap şegıp otyr
- Būl qarjylyq piramidaǧa öte köp adam aldanǧan. Bızge Jetısai, Saryaǧaş, Şardara audandarynan ötınımder kelıp tüstı. Halyq 1 million 8 myŋ teŋgeden 26 million teŋgege deiın salym salǧan. Iаǧni, är üşınşı üi zardap şegıp otyr.
Zaŋger-mediator retınde halyqtan kelgen ötınımderdı qabyldadyq. Keibıreulerı jekelengen zaŋgerlerge jügınude. Şardara audanynyŋ özınen 200 şaǧym kelıp tüstı. Dese de, būl aldanǧandardyŋ bır bölıgı ǧana. Şymkent qalasynan minimum 4000-5000 adam qarjylyq piramidaǧa aqşa salǧan.
Sondai-aq, «Indigo 24» qarjylyq piramidasyna kıruşıler artynan adam äkeluı tiıs bolǧan.- Bügınde «Sen menı kırgızdıŋ ia osyǧan aqşa saluǧa ügıttedıŋ» degen arazdyq aǧaiyndar men köşbasşylar arasynda örşıp tūr.
Piramidaǧa qarjy qūiǧandardyŋ 90%-y mūǧalımder
- Eŋ soraqysy, «Indigo24» qyzmetkerlerı azamattardy bankterge jetelep jürıp, nesie alyp bergen. Tıptı halyqty onlain rejimde berıletın mikrokreditterdı aluǧa da köndırgen. Aldanyp qalǧandardyŋ ışınde bır özı 4-5 nesie alyp, san soqqan jandar bar.
1-2 liderdı türmege qamaǧannan eşnärse özgermeidı
- Milliondaǧan adamdy aldap ketken ūiym turaly derekterdı «Astana» halyqaralyq qarjy ortalyǧyna jıbermekşımız. Erteŋ 1-2 liderdı türmege qamaǧannan eşnärse özgermeidı. Sol sebeptı Bas prokuratura da būl mäselenı köteruı kerek. Qazırgı taŋda osy ıstı tübegeilı zerttep, jūmystar jasap jatyrmyz.
Qarjylyq sauattylyq deŋgeiı öte tömen
- Bügınde aŋǧal, qūqyqtyq sauatsyz halyq japa şegıp, qaryzǧa belşesınen batyp otyr. Olarǧa eşqandai zaŋdy qūjattar berılmegen. Būl elımızdegı qarjylyq, qūqyqtyq sauattylyq deŋgeiınıŋ tömen ekenın körsetıp otyr.
Būl mäselege belgılı zaŋger Aigül ORYNBEK te öz pıkırın bıldırdı.
- «Bas Prokuratura nazaryna! “Ūlttyq arna jarnama jasady, «Nūr Otan» alǧys hat bergen soŋ senıp qaldyq”,-dep otyr halyq.Būl qarjylyq piramidanyŋ elımızde jūmys jasaǧanyna üş jyl bolǧan eken. Prezidentımızdıŋ özı alaiaqtarǧa qataŋ şara qoldanudy tapsyrdy. Nege halyq älı şyryldap jür?»,- dedı ol Facebook paraqşasynda.
Qazırgı taŋda halyqty aldaǧan alaiaqtar ızdestırılıp jatyr.
https://www.youtube.com/watch?v=bbXKJCk3lc4&feature=youtu.be
Diana ASAN,
«Adyrna» ūlttyq portaly
