Qala äkımı Mūrat Äitenovtıŋ töraǧalyǧymen «Şymkent qalasynyŋ damu baǧdarlamasy» aiasynda Jobalyq Keŋsenıŋ Basqaruşy Keŋes otyrysy öttı. Jiynnyŋ kün tärtıbınde jobalyq rölderdı jäne basşylardyŋ jeke jauapkerşılıgı men «Easy Project» kross-platformasynyŋ KPI aqparattyq-taqtasynda körsetkışter men jobalardy jaŋartu jäne tolyqtyru jūmystarynyŋ uaqytyly ärı sapaly oryndaluy, jobalardy jüzege asyru syndy mäseleler qaraldy.
Aita keteiık, aǧymdaǧy jyldyŋ aqpanynda Şymkent qalasynda äleumettık-ekonomikalyq körsetkışterge qol jetkızu maqsatynda basqaru jüiesın oŋtailandyruǧa arnalǧan jobalyq keŋse qūrylǧan bolatyn. Būl jūmystar Memleket basşysynyŋ jyl soŋyna deiın ekonomikalyq ösımdı qalpyna keltıru tapsyrmasy aiasynda jüzege asyrylyp otyr.
Qala basşysy atalǧan jobalyq keŋse onlain-formattaǧy josparly jäne naqty körsetkışterdı salystyru jäne ärbır jobanyŋ olarǧa qol jetkızuge qosqan ülesın baǧalau mümkındıgımen (easy Project jobalaryn basqarudyŋ aqparattyq jüiesın Microsoft Power BI taldau platformasymen integrasiialau negızınde), negızgı körsetkışter monitoringın (KPI) avtomattandyrudy qamtamasyz etuge mümkındık beretın qūral äzırlengenın atap öttı.
-Memleket Basşysy Qasym-Jomart Toqaev Qazaqstan halqyna arnaǧan Joldauynda memlekettık basqarudaǧy reformanyŋ oŋtaily şeşımın aitty. Prezident bırınşı orynǧa memlekettık basqaru, kadr saiasaty, şeşım qabyldau jüiesı jäne olardyŋ oryndaluy üşın jauapkerşılık täsılderın özgertu mındetın qoidy. Äkımdık jūmysyn jobalyq basqaru ädısterımen jürgızuge, ıske asyruǧa barynşa mümkındık berude. Al, bız jaŋa basqaru jüiesın engızudıŋ daiyndyq kezeŋın aiaqtadyq. Äkımdık basqarmalarynyŋ basşylary men negızgı qyzmetkerlerı aqparattyq jüiede jūmys ısteuge üiretılgen jäne praktikalyq daǧdylarǧa ie, -dedı M.Äitenov.
Sonymen qatar, qala basşysy orynbasarlaryna apta saiyn, basqarma basşylarymen bırge KPI-monitordy qadaǧalau jäne josparly körsetkışterdıŋ oryndalmau qaupı bar basqarmalarmen jūmys ısteu, naqty jobalardaǧy problemalardy anyqtau jäne olardy şeşuge kömek körsetuge tapsyrma berdı.
-Keşe Prezident nätije prosesten görı maŋyzdy boluy kerek ekenın atap öttı. Bızge jobalar üşın jobalar qajet emes. Bızge nätijeler kerek. Sondyqtan, jobalyq keŋsenıŋ basşysy Asqar Süleimenovke - Basqaruşy keŋestıŋ ärbır otyrysyna josparly körsetkışterdıŋ naqty oryndaluy tūrǧysynan eŋ üzdık üş jäne eŋ naşar üş basqarmanyŋ tızımın berudı tapsyramyn. Tiısınşe, eŋ naşar basqarma basşylaryna qatysty şaralar qabyldanatyn bolady,- dedı qala äkımı.
