Qasym-Jomart Toqaevqa Prezidenttıŋ biylǧy Qazaqstan halqyna arnaǧan «Jaŋa jaǧdaidaǧy Qazaqstan: ıs-qimyl kezeŋı» Joldauyn jüzege asyru, atap aitqanda, tötenşe jaǧdai komitetın Işkı ıster ministrlıgınıŋ qūramynan bölu jūmystary jaiynda baiandaldy. Ministrdıŋ aituynşa, bügınde arnaiy komissiia qūrylyp, aldaǧy uaqytta Tötenşe jaǧdailar jönındegı ministrlıktıŋ qūramynda qyzmet etetın 25 myŋǧa juyq adamnyŋ tızımı naqtylanyp, qajettı tehnikalar men qūral-jabdyqtar bölınıp jatyr. Būl jūmystardyŋ barlyǧy bır aidyŋ ışınde aiaqtalady.
Sonymen qatar Erlan Tūrǧymbaev «polisiia qadamdyq qoljetımdılıkte» qaǧidaty boiynşa reformalau jūmysynyŋ barysy turaly aitty. Ministr atalǧan qaǧidat boiynşa jergılıktı polisiia qyzmetkerlerı materialdyq tūrǧydan tolyq jabdyqtalyp, olardyŋ respublikanyŋ barlyq aumaǧynda halyqpen tyǧyz jūmys ısteuıne oŋtaily jaǧdai jasalatynyn jetkızdı. Osy maqsatta uchaskelık polisiia qyzmetkerlerınıŋ märtebesı zaŋmen bekıtılıp, olar avtokölıkpen, foto-video baqylau qūrylǧylarymen, elektrondy planşettermen qamtamasyz etıledı.
Būdan bölek kezdesude Işkı ıster ministrlıgınıŋ jūmysyn sifrlandyru mäselesı de qozǧaldy. Qazırdıŋ özınde ministrlık jūmysynyŋ 83% elektrondy formatqa köşken. Jyl soŋyna deiın būl mejenı 91% jetkızu közdelıp otyr.
Kezdesu soŋynda Prezident Qasym-Jomart Toqaev Erlan Tūrǧymbaevqa qolǧa alǧan reformalardy nätijelı ıske asyru kerek ekenın aityp, ministrlıktıŋ aldyna naqty mındetter qoidy.
akorda.kz
