Älemde keŋınen taralyp jatqan Tik-Tok äleumettık jelısın, onyŋ ziiany men kemşılıkterın “Adyrna” atap ötken bolatyn.
Endıgı mäsele mynada..
Būl jelını paidalanuşylar özderıne ūnaǧan änderıne sai bi bilep, nemese türlı qimyldar jasau arqyly video tüsıredı. Qazır, soŋǧy kezde trendke ainalyp jatqan ol, bet-jüzın kameraǧa meilınşe jaqyndatyp, muzyka yrǧaǧyna sai basty qozǧaltu.
Jastardyŋ qazırgı qyzyǧuşylyǧy men tüsırıp jatqan beinejazbalaryna aitar qarsylyǧymyz joq. Degenmen, oiyn – oiynymen.
Äleumettık jelıde qyzu talqyǧa tüsıp jatqan endıgı mäsele, ol - Abai Qūnanbaiūly, Älihan Bökeihanov, Ahmet Baitūrsynūly men Nūrsūltan Nazarbaevtai qazaqtyŋ ūly, dana, elı üşın qyzmet etken bırtuar azamattarynyŋ azǧyndardyŋ qūrbanyna ainaluy.
Älihan Bökeihanovtyŋ atylar aldynda, türmede tüsırılgen soŋǧy suretımen oinaǧany Alaş arystary men olardyŋ eŋbegın baǧalaityn är azamattyŋ aşuyna tiıp otyr.
Qazaq jazuynyŋ reformatory – Ahmettıŋ, Ūly aqyn -Abaidyŋ, Elbasy – Nūrsūltan Nazarbaevtyŋ suretın şaŋyraǧymyzdyŋ törıne ılıp qoiudyŋ ornyna erıkkenıŋ ermegıne ainaldyryp, jem qylyp otyrmyz.
Alaş kösemı Älihan Bökeihanūlynyŋ Ahmet Baitūrsynūly men Mırjaqyp Dulatūlyna jazǧan hatynan üzındı...
«Şyraǧym Ahmet! Şyraǧym Mırjaqyp! Sender qaita-qaita abaqtyǧa tüse beresıŋder. Oǧan nalymaŋdar. Atam zamannan, Prometeiden bergı uaqytta el üşın küresken azamattardyŋ körgenı - abaqtynyŋ esıgı. Baiaǧyda doŋyz ben aqqu dos bolypty. Doŋyz sonda aqquǧa: «Ei aqqu, sen aitşy, kün bar deisıŋ, sol kündı men nege körmeimın» deptı. Sonda aqqu: «Äi doŋyz, senı Alla tömen qaratyp jaratqan. Sondyqtan, sen kündı köre almaisyŋ» deptı. Şyraǧym Ahmet! Mırjaqyp! Bolaşaqqa kündı köre alatyn ūrpaq kerek. Sol ūrpaq senderdıŋ attaryŋdy atap, qūrmet körsetıp jatsa, baqytty emessızder me!?» degen eken.
Sondaǧy körsetken qūrmetımız osy ma? Ata-babamyz aŋsap jete almai ketken täuelsızdık uysymyzda tūrǧan kezde, meilınşe esımderın ardaqtap, alǧys aityp, taǧzym etudıŋ ornyna ıstep otyrǧanymyz osy. Bız Äz-Jänıbek, ūly Abaidyŋ ūrpaqtary elımız ben jerımızge qasyq qany qalǧanşa eŋbek etken är tūlǧanyŋ esımın ūlyqtap, olardyŋ esımderın tarihta altyn ärıptermen jazyluy üşın öz yqpalymyzdy tigızuımız kerek.
“Atalarymen oinaǧandardy ızdep, olardy jazasyz qaldyrmau kerek” – deidı, jelı qoldanuşylary.
Laura TŪRSYNJAN,
“Adyrna” ūlttyq portaly
