Ūlttyq ekonomika ministrı Ruslan Dälenov Premer-Ministr Asqar Maminnıŋ töraǧalyǧymen ötken Ükımet otyrysynda Memleket basşysynyŋ 2020 jylǧy 1 qyrküiektegı Joldauyn ıske asyru jönındegı Jalpyūlttyq ıs-şaralar josparynyŋ jobasy turaly baiandady. Būl turaly "Adyrna" tılşısı primeminister.kz baspasöz qyzmetıne sılteme jasap habarlaidy.
Memleket basşysynyŋ «Jaŋa jaǧdaidaǧy Qazaqstan: ıs-qimyl kezeŋı» atty Joldauyn ıske asyru üşın Ūlttyq ekonomika ministrlıgı müddelı memlekettık organdarmen bırlesıp Jalpyūlttyq ıs-şaralar josparynyŋ jobasyn äzırledı.
Joba jaŋa ekonomikalyq baǧdardyŋ 7 negızgı qaǧidatyna negızdelgen jäne 10 basty baǧyt boiynşa 143 ıs-şaradan tūrady.
Bırınşı baǧyt. «Memlekettık basqarudyŋ jaŋa ülgısı»
Memlekettık josparlau jüiesın odan ärı jetıldıru josparlanyp otyr.
Tiımdı kadr saiasaty men şeşımder qabyldau jüiesı qamtamasyz etıledı.
Memlekettık organdar qyzmetınıŋ tiımdılıgın odan ärı arttyru maqsatynda 2021 jylǧy 1 şıldeden bastap memlekettık qyzmetşılerge eŋbekaqy töleudıŋ jaŋa jüiesıne köşu jüzege asyrylady.
Ekonomikaǧa memlekettıŋ qatysuyn azaitu jönındegı şaralar jalǧasady.
Barlyǧy 10 ıs-şarany ıske asyru josparlanuda.
Ekınşı. «Jaŋa jaǧdaidaǧy ekonomikalyq damu»
Būl baǧyttyŋ negızgı basymdyǧy öŋdeuşı önerkäsıptıŋ bäsekege qabılettılıgın arttyru jäne qazaqstandyq qamtu ülesın ūlǧaitu.
Agroönerkäsıp keşenınıŋ äleuetın damytuǧa erekşe nazar audarylady.
Elımızdıŋ kölık-tranzit sektoryn belsendı damytu jūmystary jalǧasady.
Şaǧyn jäne orta biznestı, onyŋ ışınde ekonomikanyŋ zardap şekken sektorlaryn qoldau jäne damytu jūmystary jalǧastyrylady.
Aqşa-nesie saiasaty maŋyzdy yntalandyruşy röl atqaratyn bolady.
Salyq mındettemelerın oryndaudy oŋailatu jäne köleŋkelı ekonomikany azaitu boiynşa jūmys jürgızıledı.
Barlyǧy 42 ıs-şarany ıske asyru josparlanuda.
Üşınşı. «Teŋgerımdı aumaqtyq damu»
Öŋırlerdıŋ bäsekege qabılettılıgın arttyruǧa basa nazar audarylatyn bolady.
Öndırıstı damytu jäne jaŋa jūmys oryndaryn qūru äleuetın eskere otyryp, ösu nüktelerı qalyptastyrylady.
Şekara maŋyndaǧy aumaqtarda otandyq tauarlardy ılgerıletu üşın yntymaqtastyq keŋeitıledı.
Barlyǧy 2 şarany jüzege asyru josparlanuda.
Törtınşı. «Azamattardyŋ äleumettık äl-auqaty – basty basymdyq»
Azamattarǧa zeinetaqy jinaqtarynyŋ bır bölıgın tūrǧyn üi satyp alu jäne emdelu üşın paidalanuǧa mümkındık berıledı.
Jalǧa berıletın tūrǧyn üidı damytu, äleumettık jaǧynan osal halyqty jalǧa berıletın baspanamen qamtamasyz etu jönındegı şaralar keşenı qabyldanady.
Äleumettık jäne demografiialyq saiasatty jetıldıru jalǧasady.
Barlyǧy 10 ıs-şara jüzege asyrylady.
Besınşı. «Qoljetımdı ärı sapaly bılım»
Tolyqqandy oqu prosesın qamtamasyz etu maqsatynda Bıryŋǧai onlain bılım beru platformasy äzırlenedı.
Bılım beru jüiesıne bılıktı kadrlar tartylady, pedagog märtebesı artady.
Käsıbi bılım beru eŋbek naryǧynda sūranysqa ie bılıktı mamandar qalyptastyruǧa qaita baǧdarlanatyn bolady.
Elımızdıŋ ǧylymi äleuetın arttyruǧa erekşe nazar audarylatyn bolady.
Barlyǧy 16 ıs-şarany jüzege asyru josparlanuda.
Altynşy. «Densaulyq saqtau salasyn damytu»
Medisinalyq infraqūrylymdy jaŋǧyrtuǧa jäne materialdyq-tehnikalyq jaraqtandyrumen qamtamasyz etuge erekşe nazar audarylatyn bolady.
Auyldyq jerlerge qyzmet körsetu üşın bastapqy medisinalyq-sanitarlyq kömek pen kölıktık medisinany belsendı damytu josparlanuda.
Medisinalyq preparattardyŋ otandyq öndırısın damytu jönınde şaralar qabyldanady.
Barlyǧy 10 ıs-şarany ıske asyru josparlanuda.
Jetınşı. «Ekologiia jäne bioaluantürlılıktı qorǧau»
Mineraldyq-şikızat bazasyn, su şaruaşylyǧyn, balyq käsıpşılıgın jäne ūlttyq parkterdı damytu jönınde keşendı şaralar qabyldanady.
Qorşaǧan ortany qorǧau salasyndaǧy saiasatty jetıldıru jalǧasady.
«Jasyl ösım» jäne ūlttyq ekonomikany tereŋ dekarbonizasiialau boiynşa şaralar qabyldanady.
Barlyǧy 8 ıs-şarany ıske asyru josparlanuda.
Segızınşı. «Ädılettı memleket azamattardyŋ müddesın qorǧau jolynda»
Üş buyndy qylmystyq model qūrylyp, qylmystyq jäne qylmystyq-prosessualdyq zaŋnamanyŋ tūraqtylyǧy qamtamasyz etıledı.
Jergılıktı polisiia qyzmetın odan ärı jetıldıru jalǧasady.
Memlekettık organdar men kvazimemlekettık sektor qyzmetınıŋ aşyqtyǧy men eseptılıgı artady.
Barlyǧy 30 ıs-şarany jüzege asyru josparlanuda.
Toǧyzynşy. «Sifrlandyru – barlyq reformanyŋ negızgı elementı»
Sifrlyq teŋsızdıktı joiu jäne internetke barynşa qol jetkızudı qamtamasyz etu jönınde şaralar qabyldanady.
Zeinetaqy men järdemaqylardy taǧaiyndau jäne töleu sifrlandyrylady.
Derekter bazasynyŋ bıryŋǧai jüiesı qūrylady.
Barlyǧy 8 ıs-şarany ıske asyru josparlanuda.
Onynşy. «Azamattardyŋ memlekettı basqaru ısıne qatysuy»
Azamattardyŋ memlekettık basqaru mäselelerın şeşuge belsendı qatysuyn keŋeitu maqsatynda onlain-petisiialardyŋ bıryŋǧai zaŋdy instituty qūrylady.
Auyl äkımderın tıkelei sailau ötkızıledı.
Mäslihattar qyzmetınıŋ aşyqtyǧy artady.
Jergılıktı özın-özı basqaru organdarynyŋ märtebesı men ökılettıkterı küşeitıledı.
Barlyǧy 7 ıs-şarany ıske asyru josparlanuda.
«Memleket basşysynyŋ tapsyrmalaryn tiımdı ärı sapaly ıske asyru üşın Premer-Ministr orynbasarlarynyŋ jetekşılıgımen 11 jūmys tobyn qūra otyryp, jobalyq täsıldı qoldanu ūsynylady. Jalpyūlttyq jospardyŋ ıs-şaralaryn belgılengen merzımde uaqytyly oryndaudy qamtamasyz etuge arnalǧan barlyq qajettı resurstar men tetıkter bar», — dep tüiındedı R. Dälenov.
"Adyrna" ūlttyq portaly
