"Demokratiialyq partiiaǧa" miting ötkızuge rūqsat berdı

Almaty äkımdıgı Demokratiialyq partiia qūrǧysy keletın bastama top ökılderınıŋ qytai ekspansiiasyna tyiym saludy jäne nesie amnistiiasyn talap etetın mitingısın ötkızuıne rūqsat berdı dep habarlaidy «Azattyq» radiosy. Būl turaly qūqyq qorǧauşy Baqytjan Töreǧojina Facebook-taǧy paraqşasynda jazdy. Ol qalalyq qoǧamdyq damu basqarmasynyŋ rūqsat bergen qaǧazynyŋ tüpnūsqasyn da jariialady. Basqarma jetekşısınıŋ orynbasary A.Esenbekovtıŋ qoly bar qūjatta "şaranyŋ maqsaty men taqyrybynan auyqtymau qajettıgı" jaily eskertu jazylǧan. Atqaru organy būǧan qosa, "şaraǧa qatysatyn ärbır adam sanitarlyq-epidemiologiialyq normalardy" saqtauy tiıs degen iaǧni, adamdar maska taǧyp, 1,5 metrlık ara qaşyqtyqty saqtauy tiıs, zalalsyzdandyratyn qūraly boluy kerek. Äkımdık ökılderı "qoǧamdyq tärtıptıŋ saqtaluy men aumaqtyŋ sanitarlyq jaǧdaiyna şarany ūiymdastyruşylar jauap beredı" dep te jazǧan. Beibıt jiyn ötkızu tärtıbı turaly zaŋǧa säikes, "azamattardyŋ ömırı men densaulyǧyna, qoǧamdyq tärtıpke nemese qauıpsızdıkke qauıp töngen jaǧdaida" şara toqtatylady dep eskertken. Būǧan deiın saiasatker Janbolat Mamai bastaǧan Demokratiialyq partiia qūrudy közdeitın top ökılderı 13 qyrküiekte miting ötkızetının habarlaǧan. Top ökılderı jerdıŋ şeteldıkterge satylmauyn, nesie amnistiiasyn jariialap, saiasi tūtqyndardy bosatudy talap etetının aityp otyr. Būǧan qosa, miting taqyryptarynyŋ arasynda qytai ekspansiiasyna qarsylyq ta bar. Byltyrdan berı "Demokratiialyq partiia" qūruǧa talpynyp, jaqtastaryn jinap jürgen saiasatker Janbolat Mamai soŋǧy uaqytta nesie keşıru turaly bastamany jiı köterıp jür. Biyl ındetke bailanysty jūmys oryndary toqtap, tabyssyz qalǧan azamattar sany köbeigen şaqta Mamai Azattyqqa bergen sūhbatynda "jūrt nesienı qymbat avtokölık nemese kereksız dünie satyp aluǧa emes, kündelıktı qaryzyn jabuǧa alyp otyr, būl ideiaǧa qarsylardy kezdestırmedım" degen edı. Keibırı mūny "populistık ideia" dep atasa, keibırı qoldaǧan. Soŋǧy ret bastama top ökılderı 6 mausymda osy taqyrypta miting ötkızgen. Ol künı "Demokratiialyq partiiamen" qatar eldegı özge de oppozisiialyq küşter är jerde bilıkke qarsy narazylyq şarasyna jinalǧan. IIM sol künı respublikanyŋ tükpır-tükpırınde 53 adam ūstalǧanyn habarlady. Al qūqyq qorǧau top ökılderı men aqparat qūraldary jüzden astam adamnyŋ ūstalǧanyn jazdy. Qazaqstanda mausym aiynda "Beibıt jiyn turaly" jaŋa zaŋ qabyldanǧanmen qūqyq qorǧauşylar beibıt jiynǧa şyqqan azamattardy ūstau men olardy qudalau tyiylmady dep otyr. Jergılıktı bilık būrynǧyşa şaranyŋ "rūqsat etılmegenın" alǧa tartyp, zaŋsyz deumen keledı. Jergılıktı jäne halyqaralyq qūqyq qorǧauşylar jaŋa zaŋda eskı şekteuler qalǧanyn aitady. Foto aşyq derekközden alyndy.