Almaty oblysynda ız-tüzsız joǧalǧan jasöspırım ölı küiınde tabyldy

Almaty oblysynda osy jyldyŋ 30 tamyzynda habar-oşarsyz ketken 17 jasar Ravil Avamuslimovtyŋ denesı tabyldy, dep habarlaidy Stan.kz aqparat agenttıgı. Polisia.kz mälımetınşe, jasöspırımnıŋ denesın Eŋbekşıqazaq audany Şelek auylynyŋ 45 jastaǧy tūrǧyny tapqan. Er adam 11 qyrküiekte polisiiaǧa qoŋyrau şalyp, Şelek auylynan üş şaqyrym jerde köl jaǧasynda balyq aulau kezınde jas jıgıttıŋ jansyz denesın körgenın habarlaǧan. Oqiǧa ornyna barǧan jedel-tergeu toby marqūm joǧalyp ketkender tızımınde tūrǧan 17 jasar Ravil Avamuslimov ekenın anyqtady. Jasöspırımnıŋ ölımınıŋ sebebı belgısız. Sot-medisinalyq saraptama taǧaiyndaldy. Eske sala keteiık, Ravil Avamuslimov biyl 30 tamyzda Eŋbekşıqazaq audany Şelek auylynda joǧalyp ketken. Polisiiaǧa balanyŋ tuystary jügındı. Uäkılettı organdar erıktılermen bırge jasöspırımdı belsendı türde ızdestırdı.