12 kyrküiek künı Jambyl atyndaǧy jasöspırımder kıtaphanasynda qarjyger-mesenat, halyq janaşyry, Almaty qalasy mäslihatynyŋ deputaty Erbolat Bolatūlynyŋ «Qazaqstan jäne men» atty kıtabynyŋ tūsaukeser räsımı öttı. Kıtap käsıpkerdıŋ jürıp ötken jolyna üŋılu, esep beru maqsatynda özıne ystyq, özgege oi salar sättermen, sözdermen fotoalbom retınde şyǧarylǧan. Qarjysynyŋ bır bölıgın halyq densaulyǧyna, äleumettık damuyna salyp jürgen käsıpkerdıŋ atqarǧan jūmystary da, fotoalbomy da qūrmetpen qararlyqtai. Endeşe kıtaptyŋ el üşın, halyq üşın maŋyzdylyǧyn deputattyŋ özınen jäne prezentasiiaǧa kelgen azamattardyŋ pıkırı arqyly bıleiık.
Erbolat BOLATŪLY, käsıpker, Almaty qalasy mäslihatynyŋ deputaty: 2010 jyly bır auruhanaǧa barǧan edım. Qarasam, auruhanadaǧy tehnikalyq qūral-jabdyqtardyŋ basym bölıgı şet elden kelgen eken. Soǧan qarap, öz elımızge paidamyzdy tigızu maqsatynda qoǧamdyq qor aştyq. Aşa salysymen sol auruhananyŋ reanimasiialyq bölımşesınıŋ edenın Germaniiadan äkelıp jasadyq. Qor retınde halyqqa tigızgen paidamyzdyŋ alǧaşqysy osy boldy. Keiınnen kıtaphana, ǧimarattar, qalanyŋ körkeiuıne bailanysty ıs-şaralardy da abyroimen atqaryp şyqtyq. Halyq dän riza dep oilaimyn. Taiauda ǧana Almaty qalasyndaǧy meşıtke kölık tartu ettık. Mıne, osylai, jaqsy ısterdıŋ jüzege asuyna mūryndyq bolyp jürmız. Al kıtabymdy «Qazaqstan jäne men» dep atauymnyŋ sebebı de beker emes. Qazaqstannyŋ ösıp-örkendeuıne qandai paidam tidı degen sūraqqa jauap bergım keldı. 2017 jyly osy taqyryppen kıtap şyǧaramyn dep özıme aitqan edım. Sonyŋ sätı biyl tüstı. Qaiyrymdylyqpen ainalysyp jürgenıme 15 jyldai boldy. Degenmen biyl karantin jūmysqa azdap kedergı keltırdı. Bır ökınıştısı, däl osyndai sätte kömek sūraǧandar sany ekı eselep artty. Nauryz aiynan tamyzǧa deiın 200-den astam otbasyǧa öz qaltamnan kömek qolyn sozdym. Adamdardyŋ jaqsy ömır süruı üşın, jaǧdailary qalypqa kelu üşın, qazaǧymnyŋ äleumettık jaǧdaiy köterıluı üşın älı de eŋbek etetın bolamyn.
"Erbolat Bolatūly-halyqtyŋ sanasyna säule qūidy"Mūrathan ŞOQAN, aqyn, Jazuşylar odaǧynyŋ müşesı: Bır soqyr adamdy joldan jetektep ötkızseŋız sauap bolady. Al türlı saualdarǧa jauap tappai jürgen adamnyŋ sanasyna säule tüsırseŋız, soqyr adamdy jetektep ötkızgennen de artyq. Şyny kerek, Erbolat Bolatūlynyŋ kıtaphanaǧa, halyqqa jasaǧan qamqorlyǧy sanaǧa säule qūiǧan adamnyŋ ısı. Aulany abattandyru, qoǧamdyq ǧimarattardy jaryqtandyru, qariialarǧa qarailasu, jastardy demep jıberu, qala tūrǧyndaryna kömektesu ekınıŋ bırınıŋ qolynan kelmesı anyq. Jaqsynyŋ jaqsylyǧyn aitu kerek. Erbolat Bolatūlynyŋ eŋbegı – ūşan teŋız.
"Jambyl kıtaphanasynyŋ modernizasiialanuyna 140 000 000 teŋgenı öz qaltasynan şyǧardy"Ǧaziza QŪDAIBERGEN, Jambyl atyndaǧy jasöspırımder kıtaphanasynyŋ basşysy: Mädeniet basqarmasy kıtaphanalardy modernizasiialau turaly joba jasady. Reseiden dizainerler şaqyrtyryldy. Sol kezde bırqatar şyǧarmaşylyq top «osy ıstı nege özımız jasamaimyz?» dep bas kötermek boldy. Erbolat Bolatūly būryndary türlı qaiyrymdylyq ıs-şaralaryn qolǧa alyp jürgen azamat eken. Almaty qalasy äkımdıgı Erbolat Bolatūlyn tauyp, 5 kıtaphanany aralap, ışınen Jambyl kıtaphanasyn modernizasiialau turaly şeşımge keldı. 2017 jyly jöndeu jūmystary bastaldy. Erbolat Bolatūly 140 000 000 teŋge öz qarjysyn kıtaphanaǧa qūiyp, bükıl jūmystyŋ basy-qasynda jürdı. Kıtaphana biudjettık mekeme bolǧandyqtan älı künge deiın jaǧdaiymyzdy bılıp, jetpeitınderımızdı tügendep berıp otyrady.
"Är adam osylai esep beruı tiıs"Temırhan TEBEGEN, filologiia ǧylymynyŋ doktory, professor : Ärkımdı ösıretın, adam etetın kıtaphana deidı ǧoi. Menı ösırgen auylymdaǧy kıtaphana edı. Keiın Qyzylorda qalasyndaǧy, odan keiın Almatydaǧy kıtaphana ruhani azyq aluyma sebepşı boldy. Kandidattyqty da, doktorlyqty da kıtaphanada otyryp qorǧadyq. Sondyqtan kıtaphana degen kezde eleŋdep tūramyn. Kezınde «Adamdy adam etken-eŋbek» degendı jiı oquşy edık. Al «Qazaqstan jäne men» kıtabynda «Adamdy adam etken-kıtap, adamzat etken-kıtaphana» dep öte oryndy jazylǧan. Osy künge deiın atqarǧan jūmysyŋdy, ǧylymi zertteulerıŋdı osylai kıtap etıp şyǧaru, halyqqa tanystyru öte tiımdı joly eken. Erbolat Bolatūlynyŋ kıtabyna qarap qyzyǧyp otyrmyn. «Qazaqstan jäne men» kıtabynda barlyǧy bar. Būl kısınıŋ jastarǧa, qarttarǧa qamqorlyǧy, sporttyq mekemeler men densaulyq saqtau oryndaryna demeuşılıgı ülgı tūtarlyq ıs. Soŋǧy 10 jyldyqta halyqqa da, özıne de «ne ıstep, ne qoidym» degen oimen şyǧarylǧan kıtap sekıldı. Rasynda da är adam özıne osylai esep berıp otyruy kerek qoi. Erbolat Bolatūly sekıldı halyq janaşyrlary köp bolsyn!
Aqgül AIDARBEKOVA,
«Adyrna» ūlttyq portaly
