1,4 myŋnan astam medisina qyzmetkerı COVID-19 infeksiiasyn jäne pnevmoniiany jūqtyruyna bailanysty MÄSQ-tan tölemder aldy dep habarlaidy «Adyrna» Eŋbek jäne halyqty äleumettık qorǧau ministrlıgıne sılteme jasap.
COVID-19-ben küresuge tartylǧan 1 429 medisina qyzmetkerı koronavirustyq infeksiiany nemese virustyq pnevmoniiany jūqtyrǧan jaǧdaida memlekettık äleumettık saqtandyru qorynan (būdan ärı – MÄSQ) berıletın bırjolǧy äleumettık tölemdı aldy.
Sondai-aq, MÄSQ aurudyŋ saldarynan qaitys bolǧan 13 medisina qyzmetkerınıŋ tuystaryna tölemder audardy.
Būdan būryn habarlanǧandai,joǧaryda atalǧan tölem tölenetın medisina qyzmetkerlerın öŋırlerdıŋ jäne respublikalyq maŋyzy bar qalalardyŋ densaulyq saqtau basqarmalary janyndaǧy arnaiy komissiialar auyrǧan medisina qyzmetkerlerın tekseru nätijelerı negızınde anyqtaidy. Ötınımderdıŋ jinaqtaudy QR Densaulyq saqtau ministrlıgı jüzege asyrady, odan keiın ötınımder elektrondyq ıs maketterın qalyptastyru üşın «Azamattarǧa arnalǧan ükımet» memlekettık korporasiiasy» KEAQ-qa berıledı, keiın tölem taǧaiyndau üşın MÄSQ-ǧa jıberıledı.
11 qyrküiek saǧat 9.00-degı jaǧdai boiynşa MÄSQ COVID-19 nemese virustyq pnevmoniia jūqtyrǧan 1 429 medisina qyzmetkerınıŋ ötınışı boiynşa jäne aurudyŋ saldarynan qaitys bolǧan 13 medisina qyzmetkerınıŋ ötınış boiynşa aqşalai qarajatty taǧaiyndau men töleudı jüzege asyrdy.
Öŋırler bölınısınde medisina qyzmetkerlerıne COVID-19 nemese virustyq pnevmoniiany jūqtyru jaǧdaiyna tölemderdıŋ eŋ köp sany Nūr-Sūltan (260) jäne Almaty qalalarynan (191), Almaty (119), Qaraǧandy (110) jäne Aqmola (110) oblystarynan jürgızıldı.
Esterıŋızge sala keteiık, QR Eŋbek jäne halyqty äleumettık qorǧau ministrı men QR Densaulyq saqtau ministrınıŋ 9 säuırdegı «Densaulyq saqtau ūiymdarynyŋ COVID-19 koronavirustyq infeksiiasyna qarsy küres jönındegı epidemiiaǧa qarsy ıs-şaralarǧa tartylǧan qyzmetkerlerı atalǧan infeksiiany jūqtyrǧan nemese odan qaitys bolǧan jaǧdaida olarǧa bırjolǧy äleumettık tölemdı jüzege asyru qaǧidalaryn bekıtu turaly» bırlesken būiryǧyna aǧymdaǧy jyldyŋ 22 şıldesınde engızılgen özgerısterge säikes joǧaryda körsetılgen tölem:
– koronavirustyq infeksiia nemese virustyq pnevmoniia jūqtyrǧan medisina qyzmetkerlerıne – 2 mln. teŋge;
– COVID-19 koronavirustyq infeksiiasyn jūqtyrǧannan, virustyq pnevmoniiamen auyryp qaitys bolǧan jaǧdaida olardyŋ otbasyna – 10 mln. teŋge kölemınde tölenedı.
«Adyrna» ūlttyq portaly
