Nur-Sultan qalasynyń Bas sanıtar dárigeri J. Pirálıevanyń Qaýlysyna sáıkes elordada karantın rejımin kezeń-kezeńimen jeńildetý boıynsha ózgerister engizildi, - dep habarlaıdy «Adyrna» ulttyq portaly.
Nur-Sultanda 11 qyrkúıekten bastap:
- qaladaǵy bıznes-ortalyqtar (notarıýs, advokat býhgalter jáne konsaltıng qyzmetteri, jyljymaıtyn múlik agenttikteri, jarnama agenttikter, sot oryndaýshylar, týroperatorlar jáne t.b.) sanıtarlyq-profılaktıkalyq sharalardy qatań saqtaı otyryp, jumys jáne demalys kúnderi saǵat 09.00-den 20.00-ge deıin jumys isteıdi;
- teatrlyq qoıylymdardy ótkizýge tyıym salý pýnkti «attrakıondary bar basseınderdiń jumysyna tyıym salý» sózderimen tolyqtyryldy. Osy rette, attrakıondary bar basseınderdiń jumysyna tyıym salyna otyryp, «Han Shatyr» saýda, oıyn-saýyq ortalyǵyndaǵy «SkyBeachClub» jaǵajaı klýbynyń qyzmetine ruqsat berildi. Demalýshylardyń sany syıymdylyǵynan 50% aspaýy tıis;
- qoǵamdyq tamaqtaný oryndary (meıramhanadar, dámhanalar, barlar, ashanalar) jumys jáne demalys kúnderi saǵat 09.00-den 24.00-ge deıin jumys isteıtin bolady. Qoıylatyn talap: otyratyn oryndar sany nysan ishinde – 30-dan, jazǵy alańda 30-dan aspaýy qajet. Ústelder arasyndaǵy 2 metr qashyqtyq saqtalýy tıis. Bir ústel basynda 4-6 adamnan otyrǵyzýǵa bolady.
Bul rette, turǵyn úı ǵımarattarynda ornalasqan qoǵamdyq tamaqtaný oryndary jumys jáne demalys kúnderi saǵat 09.00-den 22.00-ge deıin ǵana isteıtin bolady.
Barlyq qoǵamdyq tamaqtaný ornynda ujymdyq, saltanatty, otbasylyq jáne ózge de kópshilik is-sharalardy ótkizýge tyıym salynady;
- qalaaralyq, oblysaralyq avtobýstar men shaǵyn avtobýstar qaıta júre bastaıdy;
- bilim berý ortalyqtarynyń, balalar men eresekterge arnalǵan ortalyqtardyń, balalardy damytý ortalyqtarynyń (aldyn ala jazylý boıynsha, 15 adamnan aspaıtyn topta) qyzmeti qatań sanıtarlyq-epıdemıologııalyq talaptar saqtala otyryp, jumys kúnderi saǵat 09.00-den 18.00-ge deıin isteıtin bolady. Bul rette, atalmyn mekemeler demalys jáne mereke kúnderi jabyq bolady;
«Nur-Sultan qalasynyń Ishki saıasat basqarmasy qabyldanyp jatqan sharalar týraly buqaralyq aqparat quraldarynda, áleýmettik jeliler men messendjerlerde aqparat taratýdy qamtamasyz etsin. Adam men azamattyń, qoǵam men memlekettiń qaýipsizdigin qamtamasyz etýge baǵyttalǵan sheshimniń mańyzdylyǵy túsindirilsin.
Osy Qaýly barlyq múddeli memlekettik organdarǵa, uıymdarǵa, kásipkerlik sýbektileri men qala turǵyndaryna jetkizilsin.
Nur-Sultan qalalyq Taýarlar men kórsetiletin qyzmetterdiń sapasy men qaýipsizdigin baqylaý departamentiniń aýdandyq basqarmalary Polıııa departamentimen birlese otyryp, Qaýlynyń oryndalýyna qatań baqylaý júrgizsin.
Menshik formasyna qaramastan, barlyq jeke jáne zańdy tulǵalar Qaýlyny oryndaýǵa mindetti.
Qujat qol qoıylǵan kúnnen bastap kúshine enedi», - delingen elordanyń bas sanıtar dárigeri J.Pirálıevanyń Qaýlysynda.
Qaýly 11 qyrkúıek kúni maquldanǵan.
Foto ashyq derekkózden alyndy
«Adyrna» ulttyq portaly
