Nūr-Sūltan qalasynyŋ Bas sanitar därıgerı J. Pırälievanyŋ Qaulysyna säikes elordada karantin rejimın kezeŋ-kezeŋımen jeŋıldetu boiynşa özgerıster engızıldı, - dep habarlaidy «Adyrna» ūlttyq portaly.
Nūr-Sūltanda 11 qyrküiekten bastap:
- qaladaǧy biznes-ortalyqtar (notarius, advokat buhgalter jäne konsalting qyzmetterı, jyljymaityn mülık agenttıkterı, jarnama agenttıkter, sot oryndauşylar, turoperatorlar jäne t.b.) sanitarlyq-profilaktikalyq şaralardy qataŋ saqtai otyryp, jūmys jäne demalys künderı saǧat 09.00-den 20.00-ge deiın jūmys ısteidı;
- teatrlyq qoiylymdardy ötkızuge tyiym salu punktı «attraksiondary bar basseinderdıŋ jūmysyna tyiym salu» sözderımen tolyqtyryldy. Osy rette, attraksiondary bar basseinderdıŋ jūmysyna tyiym salyna otyryp, «Han Şatyr» sauda, oiyn-sauyq ortalyǧyndaǧy «SkyBeachClub» jaǧajai klubynyŋ qyzmetıne rūqsat berıldı. Demaluşylardyŋ sany syiymdylyǧynan 50% aspauy tiıs;
- qoǧamdyq tamaqtanu oryndary (meiramhanadar, dämhanalar, barlar, ashanalar) jūmys jäne demalys künderı saǧat 09.00-den 24.00-ge deiın jūmys ısteitın bolady. Qoiylatyn talap: otyratyn oryndar sany nysan ışınde – 30-dan, jazǧy alaŋda 30-dan aspauy qajet. Üstelder arasyndaǧy 2 metr qaşyqtyq saqtaluy tiıs. Bır üstel basynda 4-6 adamnan otyrǧyzuǧa bolady.
Būl rette, tūrǧyn üi ǧimarattarynda ornalasqan qoǧamdyq tamaqtanu oryndary jūmys jäne demalys künderı saǧat 09.00-den 22.00-ge deiın ǧana ısteitın bolady.
Barlyq qoǧamdyq tamaqtanu ornynda ūjymdyq, saltanatty, otbasylyq jäne özge de köpşılık ıs-şaralardy ötkızuge tyiym salynady;
- qalaaralyq, oblysaralyq avtobustar men şaǧyn avtobustar qaita jüre bastaidy;
- bılım beru ortalyqtarynyŋ, balalar men eresekterge arnalǧan ortalyqtardyŋ, balalardy damytu ortalyqtarynyŋ (aldyn ala jazylu boiynşa, 15 adamnan aspaityn topta) qyzmetı qataŋ sanitarlyq-epidemiologiialyq talaptar saqtala otyryp, jūmys künderı saǧat 09.00-den 18.00-ge deiın ısteitın bolady. Būl rette, atalmyn mekemeler demalys jäne mereke künderı jabyq bolady;
«Nūr-Sūltan qalasynyŋ Işkı saiasat basqarmasy qabyldanyp jatqan şaralar turaly būqaralyq aqparat qūraldarynda, äleumettık jelıler men messendjerlerde aqparat taratudy qamtamasyz etsın. Adam men azamattyŋ, qoǧam men memlekettıŋ qauıpsızdıgın qamtamasyz etuge baǧyttalǧan şeşımnıŋ maŋyzdylyǧy tüsındırılsın.
Osy Qauly barlyq müddelı memlekettık organdarǧa, ūiymdarǧa, käsıpkerlık subektılerı men qala tūrǧyndaryna jetkızılsın.
Nūr-Sūltan qalalyq Tauarlar men körsetıletın qyzmetterdıŋ sapasy men qauıpsızdıgın baqylau departamentınıŋ audandyq basqarmalary Polisiia departamentımen bırlese otyryp, Qaulynyŋ oryndaluyna qataŋ baqylau jürgızsın.
Menşık formasyna qaramastan, barlyq jeke jäne zaŋdy tūlǧalar Qaulyny oryndauǧa mındettı.
Qūjat qol qoiylǧan künnen bastap küşıne enedı», - delıngen elordanyŋ bas sanitar därıgerı J.Pırälievanyŋ Qaulysynda.
Qauly 11 qyrküiek künı maqūldanǧan.
Foto aşyq derekközden alyndy
«Adyrna» ūlttyq portaly
