2020 jylǧy 11 qyrküiekte QR Premer-Ministrınıŋ bırınşı orynbasary Ä. Smaiylov teleköpır rejimınde Euraziialyq ekonomikalyq komissiia Keŋesınıŋ kezektı otyrysyna qatysty. Būl turaly "Adyrna" tılşısı primeminister.kz baspasöz qyzmetıne sılteme jasap habarlaidy.
EEK Keŋesınıŋ müşelerı ışkı naryqtardyŋ jūmys ısteuı, kedendık jäne tehnikalyq retteu, önerkäsıp jäne tauarlardy taŋbalau mäselelerın qarastyrdy. Qaralǧan mäselelerdıŋ ışındegı eŋ maŋyzdysy Euraziialyq ekonomikalyq integrasiiany damytudyŋ 2025 jylǧa deiıngı strategiialyq baǧyttarynyŋ jobasyn talqylau boldy.
Mäselenı talqylau qorytyndysy boiynşa Qazaqstannyŋ köptegen ūsynystary kelısıldı. Eŋ qaǧidatty ūstanymdardy memleket basşylary biyl jeltoqsan aiynda qaraudy josparlap otyr. Taraptar bügınde äzırlenıp jatqan Memlekettık satyp alu maqsattary üşın tauarlardyŋ şyǧarylǧan elın rastau qaǧidalarynyŋ jobalary jäne Euraziialyq önerkäsıptık önım tızılımın jürgızu qaǧidalary mäselelerı boiynşa pıkır almasty.
Būl qūjattar memlekettık satyp aluǧa qol jetkızu şarttaryna äser etu tūrǧysynan öte yqpaldy. Tiıstı erejeler biyl jeltoqsan aiynda EÜAK kezektı otyrysynda bekıtıledı dep közdelgen. Būǧan qosa özara saudadaǧy kedergılerdı joiu mäselesı qyzu talqylandy. Sonymen qatar memlekettık satyp aluǧa qoljetımdılıktı şekteu mäselelerı qaraldy.
EEK Keŋesınıŋ kezektı otyrysy 2020 jylǧy 18 qyrküiekke josparlanǧan.
"Adyrna" ūlttyq portaly
