«Qazaqşa bılmeitın adamdy direktor etpeu kerek», deidı Orazkül Asanǧazy

Qoǧam qairatkerı Orazkül ASANǦAZY  Otbasy künı aiasynda ūlttyq tärbie beru men otbasy qūndylyqtaryn nyǧaitu mäselelerı boiynşa onlain ötken döŋgelek üstel barysynda orysşa oqytatyn bılım mekemelerındegı qazaq tılı mäselesın köterdı dep jazady Baq.kz. «Orys mektebınıŋ özınde synyptan tys, dälızdegı äŋgıme qazaqşa boluy kerek. Maqūl, bız bır mektep emes, tört būryşyna tört mektep qaldyraiyq. Qalǧandarynyŋ barlyǧy qazaq mektebı boluy kerek. Mektepterdı qazaqşalau üşın ata-analarmen mektep jūmys ısteuı kerek. Otbasyny kım tärbieleidı? Otbasyny ūstaz tärbieleidı. Ūstaz bedelı būiryqpen, zaŋmen kelmeidı. Onyŋ bedelı bılımınıŋ joǧary ekenın ata-ana aldynda däleldeidı», - dedı ol. Orazkül Asanǧazy Bılım jäne ǧylym ministrı Ashat Aimaǧambetovke ötınış jasady. «Emtihan alatyn bolsa, orys tılı synybynda otyrǧan 90 paiyz qazaqtyŋ 9 auyz söz qazaqşa bılmeitını bar. Ziiatkerlık mekteptıŋ orys tılı synybynda otyrǧandardyŋ arasynda qazaqşa bır söz bılmeitın oquşylar bar. Men kolledjderdıŋ akkreditteu keŋesınıŋ müşesımın. 50 topta bır qazaq toby joq kolledjder bar. Sonda ol oqytyp şyǧarǧan därıger, slesar, mal därıgerı qaşan qazaqşa üirenedı? Sol kezde üirenbegende», - dedı ol. Qoǧam qairatkerı Bılım jäne ǧylym ministrı tıldı jönge qoiu üşın ısteitın jūmys boiynşa būiryq şyǧaruy keregın aitty. «Orys mektebınıŋ de, aralas mekteptıŋ direktory de qazaqşa bıluı kerek. Būiryq şyǧarmasa, ündemeidı. Söileskende qazaqşaǧa yŋǧaiy joq direktorlardy basy altyn bolsa da, direktorlyqqa qoimau kerek. Ūltjandy emes adamdy direktorlyqqa müldem otyrǧyzbau kerek», - dedı ol. Foto aşyq derekközden alyndy.